सेतीवेणीका आठ घर डुबानमा, त्रासले रातभर जाग्राम

पर्वत, असार २–अविरल वर्षासँगै कालीगण्डकीमा आएको बाढीले सेतीबेणीमा आठ वटा घर डुबानमा परेको छ । पर्वत, स्याङ्जा र गुल्मी जिल्लाको संगमस्थलमा रहेको सेतीबेणीमा आज बिहान ती आठ वटा घरमा नदीको बाढी पसेर डुबाएको हो । पर्वततर्फका केही घरसम्म नदीको बहाब आएपनि स्याङ्जातर्फका ती घर डुबाएको हो । डुबाएका घर स्याङ्जाको गल्याङ नगरपालिका–५ मा पर्छन । जिल्ला प्रहरी कार्यालयका प्रहरी प्रवक्ता प्रहरी नायब उपरीक्षक राजेन्द्रप्रसाद अधिकारीका अनुसार आज बिहान साढे ८ः ०० बजेको समयमा कालीगण्डकी नदीमा आएको बाढी पस्न गई आठ घर डुबानमा परेको हो । केही दिनयता लगातार परेको पानीका कारण नदीको बहाब क्रमिक रुपमा बढ्दै जाँदा ती घरमा बसेका मानिसलाई सुरक्षित ठाउँमा सारिएको थियो । अहिले डुबानमा परेका आठ घरका २४ जना बिस्थापित भएका छन् । अहिले पनि बर्षा लगातार बढ्दै जाँदा सेतीबेणीबजारबासी नै जोखिममा परेका छन् । केहीदिनयता बर्षा लगातार पर्दा त्यहाँका बासिन्दा निदाउन समेत पाएका छैनन् । रातभर त्रासले जाग्राम बस्न बाध्य भएको उनीहरुले बताएका छन् । अहिले अन्य घरसमेत डुबाउन सक्ने भएका कारण स्थानीय बासिन्दा, प्रहरी, स्थानीय जनप्रतिनिधि, रेडक्रसको सहकार्यमा उद्धार कार्य जारी राखिएको प्रहरीले जनाएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000