अन्तराष्ट्रिय पर्बत समाजले पठायो उपकरणसहित स्वास्थ्य सामग्री

पर्वत, जेठ २९–कोभिड–१९ बिरुद्धको अभियानमा सघाउन पर्वतबाट विभिन्न देशहरुमा गएर बसेका नेपालीहरुको संस्था अन्तराष्ट्रिय पर्वत समाजले पुनः स्वास्थ्य सामाग्री सहयोग गरेको छ । दुई साताअघि पर्वतका सात वटै पालिकामा १२ लाख बराबरको स्वास्थ्य सामाग्री सहयोग गरेको समाजले शुक्रबार थप ११ थान अक्सिजन कन्सन्ट्रेटरसहित सामाग्री प्रदान गरेको छ ।
प्रमुख संरक्षक हितकाजी गुरूङको संयोजकत्वमा बैठक आह्वान भएको थियो । बैठकमा कुल आचार्य, सुबास जोशी (सन्तोष), पुरन गिरी, गुणराज शर्मा पौडेललगायतको सहभागिता थियो । त्यही बैठकले सुवास जोशी (सन्तोष) को संयोजकत्वमा आर्थिक संकलन समिति गठन गरेपछि सोही समितिको सक्रियतामा रकम संकलन भएको समाजका महासचिव गुणराज शर्मा पौडेलले जानकारी दिए । आर्थिक संकलन समितिमा झलक केसी बेल्जियम, परशुराम पौडेल युएई, दिपिका भुषाल ईजरायल, ईश्वर जोशी–जापान, गोविन्द पौडेल अमेरिका, बाबुराम शर्मा अमेरिका र अन्तराष्ट्रिय पर्बत समाजका सदस्य तथा सस्थाका अध्यक्षहरु रहेका थिए ।
प्रमुख संरक्षक गुरुङले पर्बतबाट बैदेशिक रोजगारीमा आएका ब्यक्तिहरूले आफ्नो पसिनाको मुल्य जम्मा गरेर आफु जन्मेको जिल्लामा पठाएको बताए । ‘कोभिडको संकट सामना गर्न देशब्यापी अक्सिजन अभाव भइरहेको सन्दर्भमा अक्सिजनकै कारण कसैको ज्यान नजाओस भनेर कन्सन्टे«टर पठाएका हौ । सामाग्री सही रुपमा सदुपयोग गरिदिन अनुरोध गर्दछु’ समाजका प्रमुख संरक्षक गुरुङले भने ।
अन्तराष्ट्रिय पर्वत समाजका अध्यक्ष पुरन गिरीले जन्मभुमिका लागि निरन्तर सहयोग गर्दै आएको भन्दै आगामी दिनहरुमा पनि आफु जन्मेको जिल्लामा अफ्ठ्यारो पर्दा समाज सधै साथमा रहने बताए ।
अन्तराष्ट्रिय पर्वत समाजका नेपाल प्रतिनिधि मुना भुसालले बिदेशमा रहेर पनि आफ्नो जन्मभुमिमा अफ्ठ्यारो पर्दा पर्वतमा अन्तराष्ट्रिय पर्वत समाजले अत्यन्तै सामिप्यताको अनुभुति गराउदै मलमपट्टी बाध्ने काम गर्दै आएको बताइन । ‘जन्मभुमिबाट कोषौ टाढा बसेर पनि जिल्लामा अफ्ठ्यारो पर्दा सधै अग्रभागमा रहेर अन्तराष्ट्रिय पर्वत समाजले सहयोग गरेको छ’ समाजका नेपाल प्रतिनिधि भुसालले भनिन् ।
चीनबाट अक्सिजन कन्सन्ट्रेटर मेसिन खरिदका लागि समाजका संरक्षक महेश श्रेष्ठले समन्वय गरेका थिए । चीनबाट नेपाल ल्याउनको लागि सरकारीस्तरबाट समन्वय राष्ट्रियसभा अध्यक्ष गणेशप्रसाद तिमिल्सिनाले गरेका थिए । तिमिल्सिनाले समाजमा आबद्ध पर्वतेलीले आफ्नो जन्मभुमिप्रति देखाएको सहयोगप्रति धन्यबाद दिए ।
सामग्री हस्तान्तरण कार्यक्रममा संस्थाका संरक्षक गोविन्द सुवेदीले पर्वतबाट प्रवासी जीवन विताइरहेका पर्वतेलीहरु दुःखमा सँधै एकजुट हुने गरेको बताए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000