अध्यक्ष मल्लको पहलमा जलजला गाउँपालिकामा भित्रियो २० लाख बराबरको स्वास्थ्यसामाग्री

पर्वत, जेठ ११–जलजला गाउँपालिकामा २० लाख बराबरको स्वास्थ्य सामाग्री भित्रिएको छ । गाउँपालिकाका अध्यक्ष यामबहादुर मल्ल (रामकृष्ण)ले राजधानी पुगेर स्रोत जुटाएर उक्त सामाग्री गाउँपालिकामा भित्राउनुभएको हो । अध्यक्ष मल्लको विशेष पहलमा मुख्यसचिव शंकरदास बैरागीमार्फत अक्सिजन सिलिण्डर, अक्सिजन कनसेन्ट्रेटर, बेड सिट, पिपिई, मास्क, सेनीटाइजर, भिटिएम, अन्टीजेन किटलगायत गरी २० लाख बराबरको स्वास्थ्य सामाग्री जलजला गाउँपालिकामा भित्रिएको हो ।
पछिल्लो समय जलजलामा कोरोना संक्रमितको संख्या बढ्दै गएपछि अध्यक्ष मल्ल केही दिनदेखि राजधानीमा धाएर उक्त स्वास्थ्य सामाग्री भित्राउन सफल हुनुभएको हो । हरेक बिपत्का बेला अग्रभागमा रहेर ब्यक्तिगत खर्चमा समेत राहत बितरण गर्दै आउनुभएका अध्यक्ष मल्लले यसअघि जलजला गाउँपालिकाको बिपत् कोषमा ब्यक्तिगत दुई लाख जम्मा गर्नुभएको थियो । कोरोनाको दोस्रो लहर सुरु भएपछि मल्लले थप एक लाख गाउँपालिकाको बिपत् कोषमा जम्मा गर्नुभएको छ ।
नेपाली काँग्रेस पर्वतका कोषाध्यक्ष समेत रहेका अध्यक्ष मल्लले यसअघि जलजला गाउँपालिका मात्र नभएर पर्वतका सात वटै पालिकासहित बागलुङ र म्याग्दीमा समेत गरी झण्डै १० लाख रुपैयाँको ब्यक्तिगत रुपमा स्वास्थ्य सामाग्री सहयोग प्रदान गर्नुभएको थियो । मल्लले जलजला गाउँपालिकाले निर्माण गरेको कोरोना अस्थायी अस्पतालमा आफ्नो ब्यक्तिगत तर्फबाट पाँच वटा अक्सिजन सिलिन्डर प्रदान गर्नुभएको छ । कोरोनासँग डराएर बिभिन्न ठाउँमा बिरामी अस्पतालसम्म जान नसक्ने, शवको ब्यवस्थापन हुन नसक्ने भइरहेको समयमा अध्यक्ष मल्ल आफै अग्रमोर्चामा खटेर उद्धारमा जुट्दै आउनुभएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

ललिता निवास जग्गा हिनामिना प्रकरण : सुवेदी दम्पतीको बयानबाट नयाँ तथ्य खुल्दै

प्रधानमन्त्री देउवाले भारतीय मोदीसँग उठाउलान् यी मुद्दा ?

नेपालमा बैंकिङ कसुरसम्बन्धी मुद्दा बढ्दै

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी




About Sarathi news
Description goes here
NEPAL OFFICE

Address 1
Kathmandu, Nepal

977-0000000000