किसानलाई फलेबास नगरपालिकाको सहयोग बितरण


पर्वत, मंसिर १८–पर्वतको फलेवास नगरपालिकाले नगरभित्र संचालित विभिन्न सहकारी, कृषि तथा पशुपालन समुह र फार्महरुलाई प्रतिफलमा आधारित अनुदान रकम वितरण गरेको छ ।
नगरको बार्षिक स्वीकृत कार्यक्रम अनुसार आर्थिक बर्ष २०७६र७७ को अनुदान रकम कोरोना माहामारीका बीचमा पनि सम्वन्धित सहकारीहरुमै पुगेर वितरण गरिएको हो ।
दुध उत्पादक कृषि सहकारीहरुलाई प्रति लिटर रु।२ रुपैयाँ ६५ पैसाका दरले नगरका ७ वटा सहकारीहरुलाई वितरण गरिएको नगरप्रमुख पदमपाणी शर्माले बताए । उन अनुसार कृषि तथा पशु फार्मलाई ३६ लाख ५ हजार ९ सय ४४ लिटर दुध उत्पादन गरेवापत रु। ९ लाख ६९ हजार ७ सय ५१ रुपैयाँ अनुदान रकम हस्तान्तरण गरिएको फलेवास नगरपालिकाका कृषि अधिकृत सन्तोष सुवेदीले जानकारी दिए ।
गत बर्षभरिमा सबैभन्दा बढी दुध उत्पादन गर्ने वडा नं। ६ देविस्थानमा संचालित कृष्ण गण्डकी दुग्ध सहकारी संस्था लिमिटेडलाई १ लाख १९ हजार ६०१ लिटर दुधको अनुदान रु।३ लाख १६ हजार ९ सय ४३ रुपैयाँ प्रदान गरिएको छ । त्यस्तै वडा नं। ६ मै रहेको फलेवास दुग्ध उत्पादन सहकारी संस्थालाई रु।७१ हजार ७ सय ५१, वडा नं। ७ मा रहेको चिसापानी दुग्ध उत्पादन सहकारी संस्थालाई रु।३ लाख २४ हजार ९२, वडा नं १० मा रहेको हराभरा सामाजिक उद्यमी महिला सहकारी संस्थालाई रु।२ लाख २१ हजार ३ सय ३९, वडा नं। १ मा रहेको कार्किनेटा अन्धाअन्धी पशुपालन तथा अर्गानिक कृषि फार्मलाई रु।३५ हजार ७ सय ८८, वडा नं। १ मै रहेको फटिके कृषि तथा पशु फार्मलाई रु।१० हजार ६ सय ९२ र पौडेल भैंसी फार्मलाई रु। १० हजार ७ सय ४६ रुपैयाँ गरि रु।९ लाख ६९ हजार ७ सय ५१ रुपैयाँ अनुदान रकम प्रदान गरिएको सुवेदीले बताए ।
कृषकहरूलाई उत्पादनमा प्रोत्साहन र कृषि तथा पशुपालन व्यावसायलाई प्रबद्र्धन गर्नको लागि अनुदान रकम प्रदान गरिएको कृषि अधिकृत सुवेदीले बताए ।
अनुदान हस्तान्तरण कार्यक्रममा बोल्दै फलेवास नगरपालिकाका नगर प्रमुख पदमपाणी शर्माले नगरको समृद्धिका लागि कृषि र पशुपालनमा विशेष जोड दिएको बताउँदै कृषकहरुलाई उत्पादनमा प्रोत्साहन गर्नका लागि अनुदान रकम प्रदान गरेको बताए ।  कृषि र पशुपालन पेशाबाट मनग्ये आमदानी गर्न सकिने बताउदै कृषि पेशामा लाग्ने नगरका कृषकहरुलाई नगरपालिकाले सधैं सहयोग गर्ने उनले प्रतिबद्धता व्यक्त गरे । कृषि पेशालाई सम्मानको पेशा बनाउनको लागि नगरले अनुदानका कार्यक्रम संचालन गरेको शर्माको भनाई छ ।
वर्ष भरीमा सबै भन्दा बढि दुध उत्पादन गर्ने कृष्ण गण्डकी दुग्ध सहकारी संस्था लिमिलेटमा आबद्ध ३ जना कृषकहरुलाई सम्मान समेत गरिएको छ ।
कार्यक्रममा नगर उपप्रमुख मन्जु अधिकारी, नगरका प्रवक्ता तथा वडा नं। ४ का अध्यक्ष टिकाराम गौडेल, वडा नं। ६ का वडा अध्यक्ष भोलानाथ भुसाल, वडा नं। ८ का अध्यक्ष मन बहादुर कुवर, प्रमुख प्रशासकीय अधिकृत मुक्तिराम रिजाल, कृषक तथा अखिल नेपाल किसान महासंघ पर्वतका अध्यक्ष बलाराम भुसाल लगायतले बोललेका थिए ।
नगर प्रमुख पदमपाणी शर्माको अध्यक्षतामा सम्पन्न भएको कार्यक्रमको संचालन प्राबिधिक प्रताप पौडेलले गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000