जलजलाको जनमुखी योजना, अव हरेक वडामा एम्बुलेन्स

पर्वत, कार्तिक २५–जलजला गाउँपालिकाले एकपछि अर्को जनमुखी कार्यक्रम चलाउदै आएको छ । दुईतिहाइ नजिकको कम्युनिष्ट नेतृत्वको सरकारले समेत कोरोना महामारीमा नागरिकको उपचार निशुल्क नगर्ने घोषणा गरिरहेको सन्दर्भमा पर्वतको जलजला गाउँपालिकाले एक घर एक पिसिआरका साथै कोरोना संक्रमित भएमा आर्थिक प्याकेजको घोषणा गरेको छ । जलजलाका आम नागरिकको स्वास्थ्यप्रति सचेत, सजग र जिम्मेबारीपूर्ण भुमिका निर्वाह गर्दै आएको गाउँपालिकाले हाल कोभिड–१९को महामारीबाट नागरिकलाई सुरक्षित राख्न ‘एक घर एक पिसिआर’ अभियान सञ्चालन गरेको छ । कोरोना महामारी देशभर फैलदै गएपछि जलजला गाउँपालिकाले अब सबै नागरिकको स्वास्थ्य समस्या र त्यसको जोखिमलाई मध्यनजर गर्दै प्रत्येक वडामा एम्बुलेन्स सेवा सञ्चालन गर्ने भएको छ ।
गाउँपालिकाको एउटा मात्रै एम्वुलेन्सले सबै वडाका नागरिकहरूलाई सेवा दिन असम्भव भएको भन्दै गाउँपालिकाका सबै वडाहरूमा एम्वुलेन्स सेवा विस्तार गर्ने अभियान थालिएको गाउँपालिकाका अध्यक्ष यामबहादुर मल्ल (रामकृष्ण)ले जानकारी दिए । ‘सबैभन्दा ठुलो कुरा आम नागरिकको स्वास्थ्य हो, त्यसैले जलजला गाउँपालिकाले अव एक वडा एक एम्बुलेन्स अभियान चलाउनेछ’ अध्यक्ष मल्लले भने । यो अभियान अन्तर्गत सोमवार रोटरी क्लब अफ पोखरासँग थप एक एम्वुलेन्सका लागि सम्झौता भएको छ भने विभिन्न दातृ निकाय र भारतीय राजदुतावासको सहयोग र सहकार्यमा यो अभियान सफल बनाउने लक्ष्य लिइएको मल्लले जानकारी दिए ।

उनले प्रत्येक नागरिकको बाँच्न पाउने अधिकारको ग्यारेन्टीका लागि यसअघि पनि गाउँपालिकाले निःशुल्क सेवा प्रदान गर्दै आएको थियो । गाउँपालिकाका नागरिकको मात्रै नभएर छिमेकी कुश्मा नगरपालिका र मोदी गाउँपालिकालाई समेत जलजला गाउँपालिकाले निःशुल्क एम्वुलेन्स सेवा दिँदै आएको अध्यक्ष मल्लले दाबी गरे । ‘कोभिड–१९ को महामारी र अन्य स्वास्थ्य जटिलतामा हामीले जलजलाको मात्रै समस्यालाई हेरेका छैनौ कुश्मा, मोदी र जिल्लाका अन्य स्थानीय तहमा समेत सहयोग गरेका छौं’ अध्यक्ष मल्लले भने ।
कोरोना महामारीको शुरूवात देखिनै निकै सक्रियताका साथ लागेका अध्यक्ष मल्लले व्यक्तिगत रूपमै लाखौंको स्वास्थ्य सामग्री खरिद गरि जिल्लाका सातै स्थानीय तहमा निशुल्क वितरण गरेका थिए । जिल्लाका अन्य स्थानीय तहको तुलनामा आफ्नै नगर प्रहरी भर्ना देखि एक घर एक पिसिआर कार्यक्रम लगायत अन्य नयाँ र जनप्रिय कामहरू गरेर चर्चामा आएका अध्यक्ष मल्ल र जलजला गाउँपालिकाको यो एक वडा एक एम्वुलेन्स अभियानले गाउँपालिकाबासीमा नयाँ खुसी थप्ने अपेक्षा गरिएको गाउँपालिकाका राजनीतिक सल्लाहकार एवं काँग्रेसका युवा नेता यम शर्मा पौडेलले वताए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी

अध्यक्ष मल्लको पहलमा जलजलामा भित्रियो करोडौ बजेट

शिक्षा र स्वास्थ्य क्षेत्रलाई प्रविधिमैत्री बनाउन जलजलाले बाड्यो कम्प्युटर र ल्यापटप

जलजलाका उद्यमीका लागि आयोजित उद्घोषण तथा क्षमता अभिबृद्धि तालिम सम्पन्न




About Sarathi news
Description goes here
NEPAL OFFICE

Address 1
Kathmandu, Nepal

977-0000000000