पैयूँ गाउँपालिकाले बनायो कोरोना अस्थायी अस्पताल

पर्वत, कार्तिक २२–पर्वतको दक्षिणी भेगमा पर्ने पैयुँ गाउँपालिकाले पाँच शैय्याको कोरोना अस्थायी अस्पतालको सम्पूर्ण भौतिक संरचना तयार गरेको छ । केही दिनभित्रै अस्थायी अस्पताल सञ्चालनमा ल्याउने गरी गाउँपालिकाले भौतिक संरचना तयार गरेको हो । तत्कालका लागि हुवासस्थित सामुदायिक सेवा समाजको भवनमा अस्पताल रहने गरी अस्पतालका लागि आवश्यक पर्ने सम्पूर्ण उपकरण जडान गरी तयारी अवस्थामा राखिएको पैयूँ गाउँपालिकाका अध्यक्ष खगेन्द्रप्रसाद तिवारीले जानकारी दिए ।
‘कोरोना भाइरसका संक्रमित देशभर बढ्दै गइरहेका छन्, पैयूँमा पनि भोली त्यो विकराल अवस्था आउन सक्ने भएका कारण सचेत भएर पूर्वतयारी गरेका हौ’ उनले भने । यसअघि पर्वतको कुश्मामा सात वटै पालिकाको लगानीमा कोरोना अस्थायी अस्पताल निर्माण भएको थियो । उक्त अस्पताल पैयूँ, बिहादी र महाशिला गाउँपालिकाका लागि अपायक रहदै आएको छ । पैयूँ गाउँपालिकाका प्रमुख प्रशासकिय अधिकृत नेत्रप्रसाद पौडेलले केही दिनभित्रै आवश्यक पर्ने चिकित्सक स्वास्थ्यकर्मी प्रक्रियागत रुपमा नियुक्त गर्ने तयारी भएको जानकारी दिए ।
‘कोरोना अस्थायी अस्पतालका लागि आवश्यक पर्ने स्वास्थ्यकर्मी नियुक्त गर्ने प्रक्रियामा छौ’ उनले भने–‘केही दिनभित्रै अस्पताल सञ्चालनमा आउछ ।’ अस्पतालमा दुई जना नर्स नियुक्त गरिसकिएको पनि पौडेलले जानकारी दिए । गाउँपालिकाले जेष्ठ नागरिक भवनमा १० जना ब्यक्ति क्षमताको आइसोलेसन वार्ड पनि तयार गरेको छ । यसअघि कोरोना संक्रमित भेटिएपछि सदरमुकाम कुश्मा पठाउनुपरेपनि अव भने गाउँपालिकाभित्र नै बस्ने ब्यवस्था मिलाएको पैयू गाउँपालिकाका उपाध्यक्ष जसमति गुरुङले जानकारी दिइन ।
‘पैयूँ गाउँपालिकाका नागरिक संक्रमित भएभनेपनि कुनै समस्या नहोस् भनेर अस्पताल र आइसोलेसन वार्ड तयार पारेका छौ’ उपाध्यक्ष गुरुङले भनिन् । गाउँपालिकाले पालिकाभित्र कोरोना संक्रमण समुदायस्तरमा नभित्राउनका लागि पैयूँबासीलाई सचेत पार्दै आएको छ । सदरमुकाम कुश्माबाट हरेक बिषयमा पछाडी परेको पैयूँ गाउँपालिकाले आफ्नै एकल प्रयासमा कोरोना अस्थायी अस्पताल सञ्चालनमा ल्याएको जिल्लामै पहिलो हो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000