अध्यक्ष मल्लसहित जलजलाका सबै जनप्रतिनिधिको दशैंभत्ता कोरोना उपचार कोषमा जम्मा

पर्वत/जलजला गाउँपालिकाका सबै जनप्रतिनिधिले आफूले पाएको दशैँभत्ता कोरोना उपचारका लागि फिर्ता गरेका छन् । जलजला गाउँपालिकाको विहिवार सम्पन्न बैठकले पालिकाभित्रका ४९ जना जनप्रतिनिधिको झण्डै आठलाख रूपैयाँ कोरोना उपचारमा खर्च गर्नेगरि फिर्ता गरिएको र उक्त रकम आजै कोरोनाकोषमा जम्मा गरिएको अध्यक्ष यामबहादुर मल्ल (रामकृष्ण)ले जानकारी दिनुभयो ।

 यसैसाताबाट ‘एक घर एक पिसिआर’ अभियान सञ्चालन गरेको गाउँपालिकाले पालिकाभित्रका गम्भीर बिरामीलाई अस्पतालसम्म पुर्याउने र उपचारका लागि न्यूनतम १० हजार रूपैयाँ उपलब्ध गराउने निर्णय समेत गरेको अध्यक्ष मल्लले वताउनु भयो । ‘एक घर एक पिसिआर’ अभियानबाट पोजेटिभ रिपोर्ट आएका तर स्वास्थ्य अवस्था सामान्य भएका संक्रमितलाई होम आईसोलेशनमा बस्न आग्रह गर्ने र गम्भीर अवस्थाका संक्रमितलाई अस्पतालसम्म लैजाने व्यवस्था गर्ने र उपचारका लागि न्यूनतम १० हजारसम्म आर्थिक सहयोग गर्ने निर्णय गरेका छौं ।’- अध्यक्ष मल्लले भन्नुभयो ।

कोरोना संक्रमितको संख्या बढ्न थालेपछि जलजला गाउँपालिकाले मंगलबारदेखि नै समुदायस्तरमा कोरोना परीक्षण गर्न थालेको छ । संक्रमितको कन्ट्याक्ट ट्रेसिङमा परेकाहरुमा धमाधम कोरोना पुष्टि हुन थालेपछि गाउँपालिकाले ‘एक घर–एक पिसिआर जाँच’ अभियान शुरू गरेको गाउँपालिकाका प्रमुख प्रशासकीय अधिकृत अर्जुन शर्माले जानकारी दिनुभयो । शर्माका अनुसार हरेक घरमा एक जनाको स्वाब संकलन गरिए पनि कोरोना संक्रमितको परिवारमा भने सबैको स्वाब संकलन गरिने भएको छ । यसअघि गाउँपालिकाका करीब पाँचसय जनाको पिसिआर परीक्षण गरिसकेको छ ।

गाउँपालिकाले सबै गाउँपालिकाबासीलाई सो सुविधा लिन अपिल समेत गरेको छ । अध्यक्ष मल्लले कोरोनालाई हेलचेक्य्राइँ गर्न नहुने बताउँदै आफूले संक्रमित हुँदा भोगेको समस्याबारे समुदायमा जानकारी गराई अभियानलाई जनताको घरदैलामै पुग्ने गरी सञ्चालन गरिएको दाबी गर्नुभयो । ’कोरोना महामारीको उपचारमा पनि केन्द्र सरकारले उदासिनता देखाएपछि जनतालाई सरकारको अनुभूति दिन हामीले जलजलाबाट यो अभियान सञ्चालन गरेका हौँ ।’-अध्यक्ष मल्लले भन्नुभयो ।

कोरोना महामारी विरूद्धको अभियानमा शुरूदेखि नै निकै सक्रियताका साथ लाग्नुभएका अध्यक्ष मल्ल र जलजला गाउँपालिकाको यो ‘एकघर एक पिसिआर’ अभियानको पनि सर्वत्र प्रशंसा गरिएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी

अध्यक्ष मल्लको पहलमा जलजलामा भित्रियो करोडौ बजेट

शिक्षा र स्वास्थ्य क्षेत्रलाई प्रविधिमैत्री बनाउन जलजलाले बाड्यो कम्प्युटर र ल्यापटप

जलजलाका उद्यमीका लागि आयोजित उद्घोषण तथा क्षमता अभिबृद्धि तालिम सम्पन्न




About Sarathi news
Description goes here
NEPAL OFFICE

Address 1
Kathmandu, Nepal

977-0000000000