समुदायमा पनि देखिन थाल्यो कोरोना

पर्वत, असार ७–पर्वतमा समुदायस्तरमा पनि कोरोना संक्रमित भेटिन थालेका छन् । हालसम्म ३७ जना भारतबाट आएका, पाँच स्वास्थ्यकर्मी र एक जना दुर्घटनामा घाइते भइ पोखरामा उपचार गराइरहेकामा कोरोना संक्रमण देखिएपनि आइबार बिहान थप भएका दुई जना संक्रमित स्वास्थ्यकर्मीको सम्पर्कमा रहेका ब्यक्ति पुष्टि भएको छ । प्रादेशिक जनस्वास्थ्य प्रयोगशालामा गरिएको परिक्षणमा दुई जनामा कोरोना संक्रमण भएको पुष्टि भएको छ ।
स्वास्थ्यकर्मी संगको सम्पर्कमा भएका ब्यक्तिलाई कन्ट्रयाक्ट ट्रेसिङका क्रममा स्वाब पठाइएकोमा संक्रमण पुष्टि भएको पर्वत अस्पतालले जनाएको छ । उनीहरु कुश्मा नगरपालिकाका २७ र ३२ बर्षका पुरुष हुन । संक्रमित भारतबाट फर्केका होइनन र क्वारेन्टाईनमा समेत छैनन । त्यस मध्ये एक जना सर्वसाधरण र एक जना अस्पतालमा कार्यरत नभएपनि स्वास्थ्यकर्मी नै रहेको बताइएको छ । उनीहरु स्वास्थ्यकर्मी संग नियमित सम्पर्कमा रहेका ब्यक्ति भएको अस्पतालस्रोतले बतायो ।
सिसिएमसी पर्वतका प्रबक्ता प्रबिण भण्डारीले स्वास्थ्यकर्मीको कन्ट्रयाक्ट ट्रेसिङका क्रममा स्वाब संकलन गरिएको र दुई जनामा पोजेटिभ रिजल्ट आएका कारण आइसोलेसनमा लैजाने तयारी भैरहेको जानकारी दिए । संंक्रमितको उपचारमा संलग्न स्वास्थ्यकर्मीमा कोरोना संक्रमण देखिएपछि पर्वत अस्पतालका स्वास्थ्यकर्मी, कर्मचारी सहित सर्वसाधरणको समेत गरि ८१ नमुना संकलन गरेर परिक्षणका लागि पठाइएको थियो । त्यस मध्ये २७ जनाको परिक्षण भएको छ । ५४ जनाको रिर्पोट आउन बाँकी छ ।
सर्वसाधरणमा पनि कोरोना संक्रमण देखिएपछि समुदायमा संक्रमण भएको देखिएको छ । आठ जना कोरोना संक्रमित उपचार पछि निको भएका छन । एक जनाको पोखरामा र बाँकी २९ जना पर्वत अस्थायी कोरोना अस्पतालको आइसोलेसनमा उपचार भइरहेको छ । शुक्रबार पुष्टि भएका पाँच जना स्वास्थ्यकर्मीलाई भने अझै आइसोलेसनमा राखिएको छैन ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

ललिता निवास जग्गा हिनामिना प्रकरण : सुवेदी दम्पतीको बयानबाट नयाँ तथ्य खुल्दै

प्रधानमन्त्री देउवाले भारतीय मोदीसँग उठाउलान् यी मुद्दा ?

नेपालमा बैंकिङ कसुरसम्बन्धी मुद्दा बढ्दै

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी




About Sarathi news
Description goes here
NEPAL OFFICE

Address 1
Kathmandu, Nepal

977-0000000000