आयुर्बेद स्वास्थ्य केन्द्रलाई काँग्रेस केन्द्रीय सदस्य जोशीले दिए स्वास्थ्य सामाग्री

पर्वत, असार ५–जिल्ला आयुर्बेद स्वास्थ्य केन्द्रलाई स्वास्थ्य सामाग्री प्रदान गरिएको छ । नेपाली कांग्रेसका केन्द्रीय सदस्य तथा संविधानसभा सदस्य अर्जुनप्रसाद जोशीले फलेवासमा रहेको उक्त स्वास्थ्य केन्द्रलाई थर्मलगन र पिपिई सेट हन्तान्तरण गरेका हुन । जोशीले शुक्रबार प्रमुख जिल्ला अधिकारी शम्भुप्रसाद रेग्मीमार्फत उक्त स्वास्थ्य केन्द्रलाई दुई सेट पिपिइ र एक थान थर्मलगन प्रदान गरेका हुन ।
सवैको ध्यान सदरमुकाममा रहेको स्वास्थ्य कार्यालय र जिल्ला अस्पतालमा गएका बेला आयुर्बेद स्वास्थ्य केन्द्रलाई उक्त सामाग्री प्रदान गरिएको हो । ‘सबैको ध्यान जिल्ला अस्पताल र जिल्लाका अन्य स्वास्थ्य संस्थामा गएको रहेछ तर जिल्ला आयुर्वेद केन्द्रमा कार्यरत रहेका स्वास्थ्यकर्मीका लागि पिपिइ सेट र थर्मलगन नपुगेको पाएपछि ब्यवस्था मिलाएको हुँ’ काँग्रेस केन्द्रीय सदस्य जोशीले भने ।
आर्युवेद अस्पतालमा पनि दैनिक विरामीहरु उपचारका लागि आउने र आवश्यक स्वास्थ्य सामाग्रीको अभाव हुँदा बिरामीको चेकजाँचमा कठिनाई आएको गुनासो आएपछि उक्त सामाग्री सहयोग गरिएको काँग्रेस केन्द्रीय सदस्य जोशीले बताए । सो अवसरमा जोशीले जिल्लामा संक्रमितको संख्या बढ्दै गएको र स्वास्थ्यकर्मीहरुमा समेत पोजेटिभ देखिएपछि थप सचेत र सजगता अपनाउनुपर्नेमा जोड दिए । जोशीले लकडाउनलाई व्यवस्थित वनाउन, भौतिक दुरी कायम गर्न, नागरिकहरु हिँडडुल गर्दा माक्स, सेनीटाईजरको उचित प्रयोग गर्नका लागि जनचेतना फैलाउन प्रशासनलाई आग्रह गरे ।

त्यसैगरी संक्रमितको सख्ंया बढ्दै गएकोले अस्पतालको आईसोलेशन बेडको संख्या बढाउन, स्वास्थ्यकर्मीहरुलाई आवश्यक उपकरणहरु प्रयाप्त मात्रामा व्यवस्था गर्न आग्रह गर्दै कुनै समस्या परेमा आफुलाई जानकारी गराउन अनुरोध गरे । कोभिड नियन्त्रणमा नेपाली काँग्रेस पर्वत र आफु जस्तोसुकै सहयोग गर्न पनि तयार रहेको जोशीको भनाई थियो । उक्त स्वास्थ्य सामाग्री पर्वत घर भई काठमाण्डौमा रहेका डा.केदार सुवेदी र लेखराम गौतमको पहलमा प्राप्त भएको काँग्रेस नेता जोशीले जानकारी दिए । नेता जोशीले यस अघि पनि प्रमुख जिल्ला अधिकारी मार्फत लाखौँको स्वास्थ्य सामग्री हस्तान्तरण गरेका थिए ।
प्रमुख जिल्ला अधिकारी शम्भुप्रसाद रेग्मीले कोरोना रोकथाम र नियन्त्रणका लागि सवै पक्षको सहकार्य आवश्यक रहेको बताउँदै यसको सवैभन्दा अचुक औषधी भौतिक दुरी कायम गर्नु, मास्क र स्यानिटाईजरको प्रयोग गर्नुनै उत्तम विकल्प भएको बताए । नेपाल तरूण दलका केन्द्रीय कोषाध्यक्ष विद्वान गुरूङ, कुश्मा नगरपालिकाका नगरप्रमुख रामचन्द्र जोशी, जिल्ला अस्पताल र स्वास्थ्य कार्यालयका डाक्टरहरु, नेपाल पत्रकार महासंघ पर्वतका अध्यक्ष छविलाल तिवारी, पर्वत उद्योग बाणिज्य संघका अध्यक्ष केदारनाथ शर्मा लगायतको उपस्थिति रहेको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

ललिता निवास जग्गा हिनामिना प्रकरण : सुवेदी दम्पतीको बयानबाट नयाँ तथ्य खुल्दै

प्रधानमन्त्री देउवाले भारतीय मोदीसँग उठाउलान् यी मुद्दा ?

नेपालमा बैंकिङ कसुरसम्बन्धी मुद्दा बढ्दै

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी




About Sarathi news
Description goes here
NEPAL OFFICE

Address 1
Kathmandu, Nepal

977-0000000000