‘बजेटको ठुलो हिस्सा केन्द्र र प्रदेशमै सिमित हुँदा स्थानीय सरकारले परिकल्पना गरेको विकास ओझेलमा’

पर्वत, फागुन २४–जलजला गाउँपालिकाका अध्यक्ष एवं नेपाली काँग्रेसका युवा नेता यामबहादुर मल्ल (रामकृष्ण)ले जलजलाको विकास र जलजलाबासीको समृद्धि नै आफ्नो मूल लक्ष्य भएको वताएका छन् । गाउँ वन समन्वय समिति जलजला गाउँपालिका वडा नम्बर ५, लेकफाँटको छैठौ साधारणसभालाई सम्वोधन गर्दै अध्यक्ष मल्लले उक्त कुरा वताएका हुन । स्थानीय सरकारसँग जनताका अपेक्षाहरू धेरै भएपनि बजेटको ठूलो हिस्सा केन्द्र र प्रदेशमै सिमित हुने गरेकाले स्थानीय सरकारले परिकल्पना गरेका विकास र समृद्धिका एजेन्डाहरू ओझेलमा परेको जानकारी दिए ।‘जनताको नजिकको सरकार भनेकै स्थानीय सरकार हो । तर केन्द्र र प्रदेश सरकारले स्थानीय सरकारलाई आवश्यक बजेट दिएन । जसका कारण काम गर्न अफ्ठ्यारो छ’ अध्यक्ष मल्लले भने–‘बजेटको ठुलो हिस्सा केन्द्र र प्रदेशमै रहँदा स्थानीय सरकारले परिकल्पना गरेको विकास र सम्बृद्धिका योजना ओझेलमा परेको छ ।’

संघीय गणतन्त्रको मर्म र भावना अनुसार सिंहदरवारको अधिकार गाउँ–गाउँमा पु¥याउने हो भने स्थानीय सरकारलाई शक्तिशाली बनाउनुपर्ने र सोही अनुसारको बजेट, अवसर र अधिकार प्रत्यायोजन गर्न केन्द्र सरकारसँग माग समेत गरे । ‘हामीले जनताको समस्या र आवश्यकतालाई नजिकबाट महशुस गरेका छौ, साँच्चिकै समाज र राष्ट्रलाई समृद्ध बनाउने होभने बजेटलाई विकेन्द्रित गर्नोस, गाउँ हामीले बनाउँछौं’ अध्यक्ष मल्लले भने ।
कालाञ्जर विराट ज्ञान महायज्ञ मूल आयोजक समितिका संयोजक समेत रहेका अध्यक्ष मल्लले हिन्दु धर्मशास्त्रमा वर्णित कालाञ्जर र हम्पाल क्षेत्रलाई राष्ट्रिय अन्तराष्ट्रिय रूपमा परिचित गराउन र विश्वका धार्मिक पर्यटकलाई जलजला र कालाञ्जरमा ल्याउने वातावरण बनाउन आगामी बैशाख १ गतेदेखि ७ गतेसम्म कालाञ्जर क्षेत्रमै ऐतिहासिक विराट ज्ञान महायज्ञ गर्न लागिएको जानकारी दिए । जलजला क्षेत्रको प्रतिष्ठासँग जोडिएको उक्त महायज्ञलाई सफल बनाउन सबै जलजलाबासीहरुलाई उनले आग्रह गरे ।

मल्लले हरेक सामुदायिक बनलाई जनताको आय आर्जन र समृद्धिको माध्यम बनाउन बन उपभोक्ता समितिसँग आग्रह गरे । उनले सामुदायिक बनले जनताको आयआर्जनसँग जोड्ने कार्यक्रम ल्याएमा जलजला गाउँपालिकाले हातेमालो गरेर अघि बढ्ने प्रतिबद्धता जनाए । अध्यक्ष मल्लले शुक्रबारनै लेकफाँटस्थित गिद्धेश्वर शिबालय मन्दिरमा निर्माण गर्न लागिएको सत्तलको शिलान्यास समेत गरे ।
कार्यक्रममा जिल्ला समन्वय समिति पर्वतका सदस्य ओमप्रसाद रेग्मीले सामुदायिक बनलाई जनताको जीवन र गाउँको विकाससँग जोड्न सुझाव दिए । सदस्य रेग्मीले वन समन्वय समितिको कार्यक्रममा बन डिभिजन कार्यालयबाट कर्मचारी अनुपस्थित रहेकोमा दुख व्यक्त गरे । कार्यक्रममा जलजला गाउँपालिकाका प्रवक्ता एवं वडा नं ३ का वडा अध्यक्ष देवेन्द्र भण्डारी रवि, वडा नं ५ का वडाअध्यक्ष तिलकबहादुर जिसी, नेकपा पर्वतका सचिवालय सदस्य टुङ्गनाथ पौडेल, नेपाली काँग्रेस जलजलाका संयोजक चन्द्रबहादुर खत्री, नेकपा लेकफाँटका अध्यक्ष डण्डपाणी सुवेदी र नेपाली काँग्रेस लेकफाँटका नेता गोविन्द पौडेल लगायतले बोलेका थिए ।

गाउँ वन समन्वय समिति लेकफाँटका अध्यक्ष लालबहादुर पौडेलको अध्यक्षतामा भएको कार्यक्रममा स्वागत मन्तव्य जलजला गाउँपालिकाका राजनीतिक सल्लाहकार एवं गाउँ वन समन्वय समितिका महासचिव यम शर्मा पौडेलले गरेका थिए ।  कार्यक्रमको संचालन सहसचिव भगवान आचार्यले गरेका थिए । कार्यक्रममा गाउँ वन समन्वय समितिका कोषाध्यक्ष चक्रबहादुर केसीले आर्थिक प्रतिवेदन र नारायण केसीले संस्थागत प्रतिवेदन प्रस्तुत गरेका थिए ।
अध्यक्ष मल्लले शुक्रबारै फड्केढुङ्गा (थामा–अर्जेत–लामापोखरी–लेकफाँट–शालिजा–हम्पाल सडकको अनुगमन समेत गरेका थिए । यो सडक बनेपछि लेकफाँट र शालिजाबासीलाई गाउँपालिका आवतजावतमा सहज हुने र प्रसिद्ध कालाञ्जर क्षेत्रको पहिचानका लागि समेत कोषेढुङ्गा सावित हुने दाबी जलजला गाउँपालिकाका अध्यक्ष यामबहादुर मल्ल रामकृष्णले गरे । उक्त सडकको लागि जलजला गाउँपालिकाले फड्केढुङ्गा–लेकफाँट सडक खण्डको लागि एक करोड २५ लाख र शालिजा–हम्पाल सडक खण्डको लागि २० लाख बजेट बिनियोजन गरेको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000