मोदीमा सकियो छैठौ गाउँसभा, तीन बिधेयक पारित

पर्वत, फागुन १९–मोदी गाउँपालिकाको छैठौ गाउँसभा सोमबार सम्पन्न भएको छ । आइतबार र सोमबार चलेको गाउँसभाले महत्वपूर्ण तीन वटा बिधेयक पारित गरेको छ । गाउँपालिकाका प्रमुख प्रशासकिय अधिकृत किसान क्षेत्रीकाअनुसार नगर प्रहरी बिधेयक, स्थानीय सुशासन बिधेयक र स्थानीय वातावरण तथा प्राकृतिक स्रोत संरक्षण बिधेयक बहुमतले पारित गरेको हो ।
‘मोदी गाउँपालिकाको आज सम्पन्न गाउँसभाले नगर प्रहरी बिधेयक, स्थानीय सुशासन बिधेयक र स्थानीय वातावरण तथा प्राकृतिक स्रोत संरक्षण बिधेयक बहुमतले पारित गरेको छ’ प्रमुख प्रशासकिय अधिकृत क्षेत्रीले भने । संविधानले प्रदत्त गरेको अधिकार बमोजीम गाउँपालिकामा आवश्यक पर्ने नगर प्रहरी राख्न मिल्ने ब्यवस्था सहित नगर प्रहरी विधेयक गाउँ सभाले पारित गरेको मोदी गाउँपालिकाका प्रवक्ता एवम् वडा नम्बर ६ का अध्यक्ष बिमल लामिछानेले जानकारी दिए ।
लामिछानेकाअनुसार गाउँपालिकाको दैनिक प्रशासनलाई ब्यवस्थित बनाउँदै सेवाग्राही मैत्री प्रशासन संयन्त्र सञ्चालन गर्नका लागि गाउँसभाले स्थानीय शुसासन विधेयक पनि पारित गरेको हो ।  त्यस्तै गाउँसभाले स्थानीय वातावरण तथा प्राकृतिक श्रोतहरुको संरक्षणका लागि समेत विधेयक ल्याएको उनले जानकारी दिए । गाउँपालिका भित्रका प्राकृतिक श्रोतहरुको यदोचित ब्यवस्थापनमा थप सहज हुने उनले विश्वास ब्यक्त गरे ।
छैटौ गाउँ सभाले चालु आर्थिक बर्षका लागि संसोधित बजेट समेत पास गरेको छ । केही निर्माण हुन नसक्ने योजनाहरुको रकमान्तर र केही योजनामा रकम थपघट गरिएको प्रमुख प्रशासकीय अधिकृत क्षेत्रीले जानकारी दिए । गाउँ सभाले आगामी १० बर्षका लागि गाउँ विकासको लागि आवद्यिक योजना समेत निर्माण गर्ने निर्णय गरेको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000