जलजला गाउँपालिकाको अनुकरणीय काम, न्यायिक समितिको भुमिका यसरी प्रभावकारी बन्दै

पर्वत, फागुन १२–अन्यायमा परेका गाउँपालिकाका बासिन्दाको गुनासो तथा समस्यालाई प्रभावकारी रुपमा समाधान खोज्ने र न्याय दिलाउने उद्देश्यले जलजला गाउँपालिकाले अभियान चलाएको छ । गाउँपालिकाका बासिन्दा कोही पनि अन्यायमा नपरुन भनेर गाउँपालिकाले न्यायिक समिति र मेलमिलापकर्तालाई कानुनी रुपमा परिपक्व र कानुनी ज्ञानमा दक्ष्य बनाउने अभियान चलाएको हो । जलजला गाउँपालिकाका अध्यक्ष यामबहादुर मल्ल (रामकृष्ण)ले गाउँपालिकाका बासिन्दा कोही पनि अन्यायमा नपरुन त्यसका लागि न्याय दिलाउने न्यायिक समिति र मेलमिलापकर्ताहरु कानुनी तबरबाट दक्ष हुन भन्नका लागि आठ दिनको तालिम शुभारम्भ गरिएको जानकारी दिए । ‘हामी कानुनी रुपमा कसैलाई पनि विभेद गर्दैनौ र त्यसका लागि सबै बासिन्दाले निष्पक्ष न्याय पाउनुपर्छ भनेर नै न्यायिक समिति र मेलमिलापकर्तालाई कानुनी रुपमा दक्ष बनाउन आठ दिनको तालिम शुभारम्भ गरेका छौ’ गाउँपालिका अध्यक्ष मल्लले भने । मेलमिलापबाट विवाद समाधानमा स्थानीय न्यायिक समितिको भूमिकालाई प्रभावकारी बनाउन र न्याय निरूपणमा जनताको विश्वास दिलाउन पनि पहिलो पटक न्यायिक समिति तथा मेलमिलापकर्ताको लागि तालिम संचालन गरेको पनि उनले जानकारी दिए ।

आठदिनसम्म संचालन हुने उक्त तालिमको जलजला गाउँपालिकाका अध्यक्ष यामबहादुर मल्ल (रामकृष्ण)ले सोमवार उद्घाटन गरे । कार्यक्रममा अध्यक्ष मल्लले न्यायिक समितिलाई कानूनी प्रावधानवारे प्रयाप्त जानकारी नहुँदा मुद्दाको पक्ष र विपक्षको कुरा सुनेर निष्पक्ष न्याय सम्पादन गर्न कठिनाई भएको भन्दै मेलमिलापको माध्यमबाट विवाद समाधान गर्न र समितिको भूमिका जनतामा थप प्रभावकारी बनाउन तालिम कोषेढुङ्गा सावित हुने दाबी गरे । अध्यक्ष मल्लले स्थानीय तहमा न्यायिक अधिकारबारे आवश्यक जानकारीको अभाव र भौतिक संरचनाजस्ता कारणले पनि न्यायिक निरूपण गर्न अफ्ठ्यारो भएको वताउँदै तालिमपछि स्थानीय झै–झगडा, साँध सिमाना, घरेलु हिंसाजस्ता विवादलाई मेलमिलापमार्फत निरूपण गर्न सहज हुने बताए । अध्यक्ष मल्लले तालिमलाई महत्वका साथ लिन सहभागीहरूलाई आग्रह गरे । स्थानीय शासन सञ्चालन ऐनले आलीधुर, बाँध, पैनी, कुलो वा पानीघाटको बाँडफाँँट, अर्काको बाली नोक्सानी, घरपालुवा पशुपंक्षी हराएको वा पाएको, जेष्ठ नागरिकको पालनपोषण तथा हेरचाह नगरेको र नाबालक छोराछोरी वा पतिपत्नीलाई इज्जत आमदअनुसार खान लाउन वा शिक्षादीक्षा नदिएको विषय निरूपण गर्न न्यायिक समितिलाई अधिकार दिएको छ ।

कार्यक्रममा जलजला गाउँपालिकाका उपाध्यक्ष एवं न्यायिक समितिका संयोजक सीमा गर्बुजा पुनले कानून र अधिकार वारे समितिलाई प्रयाप्त जानकारी नहुँदा न्याय निरूपण गर्न समस्या भएको वताउँदै तालिमपछि निष्पक्ष न्याय सम्पादन गर्न सहज हुने विश्वास व्यक्त गरिन । संविधानले प्रत्येक नगरपालिकामा उपप्रमुखको संयोजकत्वमा र गाउँपालिकामा उपाध्यक्षको संयोजकत्वमा तीन सदस्यीय न्यायिक समिति गठन गर्नुपर्ने उल्लेख छ । तालिमको सहजीकरण पूर्व मुख्य न्यायाधीश सुरेन्द्रवीर सिंह बस्नेत र न्यायाधीश नारायण दाहालले गरेका छन् । उक्त तालिममा जलजला गाउँपालिकाका नौ वटै वडाका वडाअध्यक्ष सहित तीन÷तीन जनाका दरले सहभागीता रहेको छ । जलजला गाउँपालिकाका उपाध्यक्ष एवं न्यायिक समितिका संयोजक सीमा गर्बुजा पुनको अध्यक्षतामा भएको उक्त तालिम उद्घाटन कार्यक्रममा स्वागत मन्तव्य जलजला गाउँपालिकाका प्रमुख प्रशासकीय अधिकृत अर्जुन शर्माले गरेका थिए । कार्यक्रमको संचालन कर्मचारी देवराज पुरीले गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000