व्यायामका लागि कुश्मामा खुल्यो अत्याधुनिक हेल्थ क्लव

पर्वत, माघ १३–धौलागिरीमै पहिलो पटक पर्वतको कुश्मामा अत्याधुनिक हेल्थ क्लब सञ्चालनमा आएको छ । यहाँका तीन युवाले करोडको लगानीमा क्लब सञ्चालनमा ल्याएका हुन । मानवमा बढ्दै गएको दीर्घरोगको समस्या र युवाहरूमा बढेको कुलतलाई समाधान गर्ने अभिप्रायले कुश्माका युवाहरुले अत्याधुनिक व्यायाम हलसहितको कुश्मा हेल्थ क्लव संचालनमा ल्याएका हुन ।
क्लवमा ५० देखी ६० जना महिला पुरुषले एकैसाथ जिम गर्न मिल्ने क्लवका अध्यक्ष डा.प्रमोदकुमार मण्डलले जानकारी दिए । क्लवले पत्रकार सम्मेलन गरी व्यायामका विविध बिषयमा जानकारी गराएको हो । डा.मण्डलले कुश्मामा सरुवा रोग भन्दा दिर्घरोगका बिरामी बढेको भन्दै हेल्थ क्लबले नियन्त्रण गर्ने दाबी गरे । ‘कुश्मामा हेल्थ क्लब आवश्यक थियो, सञ्चालनमा आएको छ, यसले दिर्घरोगीहरु उच्च रक्तचाप, सुगर, कोल्डस्टोरका बिरामीलाई निकै फाइदा मिल्नेछ’ उनले भने ।
उनले दिर्घरोगीसँगै कुलतमा फसेका युवालाई पनि सुधार गर्ने मुख्य लक्ष्य रहेको पनि जानकारी दिए । नियमित केल्थ क्लब आउने ब्यक्तिलाई दिर्घरोग लाग्नै नपाउने उनको दाबी थियो । ‘रोग लागिसकेपछि अस्पताल धाउनुको सट्टा रोग लाग्नै नदिने उपाय अवलम्बन गर्नुस् भन्ने हाम्रो जोड हो’ डा.मण्डलले भने ।
क्लवबाट नियमित सेवा लिनका लागि तीन हजार रूपैयाँ भर्ना शुल्क र दुईहजार मासिक शुल्क तोकिएको भएपनि एक बर्षको प्याकेज लिँदा २१ हजारमा थप तीनमहिना सेवा लिन पाइने व्यवस्था गरिएको क्लवका संचालक सुरेश केसीले जानकारी दिए । ‘क्लवमा जोडी, विद्यार्थी र नियमित आउनेलाई प्याकेजमा सहुलियत दिने व्यवस्था गरिएको छ’ केसीले भने ।
पछिल्लो समय सरूवा रोग भन्दा दीर्घ रोगीको संख्या बढ्दै गएको अवस्थामा सुगर, प्रेसर, कोल्डस्टोर लगायतका रोगहरुको समाधानका लागि यो हेल्थ क्लव कोशेढुङ्गा सावित हुने कुश्मा नगरपालिका वडा नम्बर ५ का वडा अध्यक्ष चित्रकला शर्माले वताइन । क्लबमा सुरेश केसी, डा प्रमोदकुमार मण्डल र नारायण शर्माको संयुक्त लगानी रहेको छ । उक्त जिम क्लवको यही माघ १६ गतेदेखि ‘मिस्टर वल्ड’ महेश महर्जनको उपस्थितिमा सञ्चालनमा आउने भएको छ । कार्यक्रमको सञ्चालन युवा गोकुल चापागाईले गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000