पर्वत महोत्सवको तयारी अन्तिम चरणमा, ९० प्रतिशत स्थल बुकिङ

पर्वत, माघ ६–पर्वतलाई संसारभरकै उत्कृष्ट गन्तब्यका रुपमा प्रचारप्रसार गर्ने अभिप्रायले आयोजना गरिएको छैठौ पर्वत महोत्सवको तयारी अन्तिम चरुणमा पुगेको छ । पछिल्ला केही दिन यता महोत्सवको तयारीका काम धमाधम भइरहेको छ । स्टल निर्माण, मञ्च ब्यवस्थापन, रमाइलो मेला धमाधम निर्माण भइरहेको छ । महोत्सव आउन अव तीन दिन मात्रै बाँकी रहदा ९० प्रतिशत स्टल बुकिङ भइसकेको छ । पर्वत उद्योग बाणिज्य संघले माघ ९ देखि १९ गते सम्म आयोजना गरेको पर्वत महोत्सव तथा गण्डकी प्रदेशस्तरीय औधोगिक ब्यापार मेलामा दुई सय स्टल रहनेछन् । मुल आयोजक समितिका अध्यक्ष केदारनाथ शर्माले महोत्सवको तयारीको काम धमाधम भइरहेको जानकारी दिए । ‘अव तयारी अन्तिम चरणमा छ, स्टल बुकिङ ९० प्रतिशत भइसकेको छ’ अध्यक्ष शर्माले भने । उनकाअनुसार महोत्सवमा महिला उद्यमी र कृषकलाई ३० वटा स्टल निःशुल्क उपलब्ध गराइने भएको छ । गण्डकी प्रदेश भित्रका महिला उद्यमी र कृषकहरुको उत्पादनलाई प्रर्बद्धन गर्नका लागि निःशुल्क स्टल उपलब्ध गराइएको शर्माले बताए । महिला उद्यमी र कृषकलाई १५÷१५ वटाका दरमा स्टल उपलब्ध छन । यसपटक पर्वत उद्योग बाणिज्य संघका सदस्यहरुले स्टल राख्दा समेत २५ प्रतिशत छुट दिइएको छ । महोत्सबमा रहने होटल बाहेकका ब्यबसायिक स्टलमा संघका सदस्यलाई २५ प्रतिशत छुट दिइएको महोत्सबका प्रचार संयोजक तथा उद्योग उपाध्यक्ष ठाकुर बि पौडेलले जानकारी दिए । महोत्सबको माघ ९ गते राष्ट्रियसभाका अध्यक्ष गणेशप्रसाद तिमिल्सिनाले उद्घाटन गर्दैछन् । पर्वतमा थुप्रै ऐतिहासिक धार्मिक तथा पर्यटकीयस्थल भएपनि प्रचारप्रसारको अभावमा ओझेलमा पर्दै आएका छन् । आकर्षक गुफा, हिमऋङ्खला हुर्ने आकर्षक ठाउँ, बञ्जीजम्प, अग्ला पुलहरु, मोदीबेनी, सेतीबेणी, महाशिला, हम्पालको लेक कालाञ्जर पर्वत, दुर्लुङकोट, डहरेको लेक, फलामखानीलगायतका थुप्रै ऐतिहासिक र आकर्षक ठाउँ रहेका छन् । यो महोत्सवले ती ठाउँहरु देशबिदेशमा चिनाउने र पर्वतलाई पर्यटकीय गन्तब्यका रुपमा पहिचान गराउने उद्देश्य राखिएको पर्वत उद्योग बाणिज्य संघका बरिष्ठ उपाध्यक्ष एवम् महोत्सव आर्थिक उपसमितिका संयोजक गोपी अधिकारीले जानकारी दिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000