बर्तमान उपसभामुख तुम्बाहाम्फे सभामुखका लागि सक्षम हुनुहुन्छ : प्रवक्ता श्रेष्ठ

पर्वत, माघ ५–नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले बर्तमान उपसभामुख सभामुख पदका लागि सक्षम भएको टिप्पणी गरेका छन् । प्रेस संगठन पर्वतले आयोजना गरेको पत्रकार सम्मेलनमा आइतबार बिहान कुश्मामा बोल्दै उनले सभामुख पद बर्तमान उपसभामुख डा.शिवमाया तुम्बाहाम्फेलाई दिदा न्याय हुने बताए ।
‘उपसभामुखज्यु बिद्धान हुनुहुन्छ, कानुनी ज्ञान छ, सक्षम पनि हुनुहुन्छ, उहाँलाई दिदा न्याय नै हुन्छ’ उनले भने । उनले अव पनि कुन पूर्व (एमाले, माओबादी)ले लिने भन्ने कुरा गर्नै नहुने धारणा राखे । उपसभामुख तुम्बाहाम्फेको अडान जायज भएपनि उनले राजीनामा दिएपछि मात्रै नेकपाले सभामुख पद पाउने बताए । ‘उहाँले उपसभामुख पदबाट राजीनामा नै दिन्न भन्नुभयो भने सभामुख पद अहिलेको कानुनअनुसार नेकपाबाट गुम्छ’ उनले भने–‘उपसभामुखले म सभामुख हुनुपर्छ भन्ने माग जायज नै छ ।’
अध्यक्ष पुष्पकमल दाहाल (प्रचण्ड)ले पूर्व माओबादीबाटै सभामुख बनाउनुपर्ने अडान लिइरहेका बेला दाहालनिकट मानिएका श्रेष्ठले सभामुख पदमा कुन पूर्वले लिने भन्ने कुरा गलत भएको जिकिर गरे । ‘पूर्व भन्ने कुरा आवश्यक परे अव पार्टीको इतिहास र दस्तावेजमा मात्रै रहन्छ’ श्रेष्ठले भने–‘पद विभाजन गरेर यो पूर्व र त्यो पूर्व भन्ने गर्नुहुँदैन ।’ पछिल्लो समयमा विवादमा परेको एमसिसिको बारेमा टिप्पणी गर्न नचाहेका श्रेष्ठले त्यो नेकपाले केही दिनमा टुंगो लगाउने बताए ।
श्रेष्ठले नेपाल कम्युनिष्ट पार्टी (नेकपा)को आगामी महाधिवेशनबाट सहमतिमा पद विभाजन हुनसक्ने संकेत गरे । ‘अहिले पार्टीभित्र संक्रमणकाल जारी छ, आगामी महाधिवेशनबाट पार्टी एकताकै भावनाअनुसार कमिटि बन्छ’ श्रेष्ठले भने । पत्रकार सम्मेलनमा नेकपाका केन्द्रीय सदस्य गुप्त हमाल, पर्वतका अध्यक्ष एवम् प्रतिनिधिसभा सदस्य पदम गिरी, राष्ट्रियसभा सदस्य पदका उम्मेदवार भगवती न्यौपाने उपस्थित थिए ।
पत्रकार सम्मेलनको सञ्चालन प्रेस संगठन पर्वतका संयोजक गणेश गिरीले गरेका थिए । राष्ट्रियसभा सदस्य पदमा उम्मेदवारी दिएका नेकपाका प्रभावशाली नेतासमेत रहेका श्रेष्ठ प्रचारप्रसार र कार्यकर्ता भेटघाटका क्रममा पर्वत आएका हुन । उनले शनिबार पर्वतमा नेता कार्यकर्तालाई प्रशिक्षण समेत दिएका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000