मिलनचोक धाइरिङ सडक कालोपत्रे सुरु

पर्वत, मंसिर १९–मिलनचोक धाइरिङ सडक दुई बर्षभित्र कालोपत्रे हुने भएको छ । जलजला गाउँपालिका वडा नम्बर ७ अन्र्तगत मिलनचोकदेखि धाइरिङ सडक कालोपत्रेको लागि बिहिबार राष्ट्रियसभा अध्यक्ष गणेशप्रसाद तिमिल्सिनाले शिलन्यास गरेका हुन । २०७८ साल मंसिर ५ गतेसम्म निर्माण सक्नेगरी सम्झौता भइसकेको यो सडकको बिहिबार तिमिल्सिनाले शिलन्यास गरेका हुन । गौ महोत्सव उद्घाटन गर्न पोखरादेखि हेलिकप्टरमा आएका तिमिल्सिनाले उक्त सडकको कालोपत्रेको पनि शिलन्यास गरेका थिए ।
यो सडक बहुबर्षीय ठेक्कामार्फत पहिलो चरणमा १० किलोमिटर कालोपत्रे हुन लागेको हो । आठ मिटर चौडा रहने सडक २८ करोड १३ लाख छ हजार तीन सय १० रुपैयाँको लगानीमा कालोपत्रे हुन लागेको हो । यो सडकको निर्माणका लागि निर्माण कम्पनीले यही मंसिर ६ गते सम्झौता गरेको थियो । उनले आफ्नो कार्यकाल अझै चार बर्ष बाँकी रहेकोले यो अवधिमा पर्वतका सबै वडा कार्यालय जोडिने गरी सडक कालोपत्रे हुने दाबी गरे ।
०७८ मंसिर ५ गतेभित्र कालोपत्रे भइसक्ने गरी सम्झौता गरिएको जलजला गाउँपालिकाका अध्यक्ष यामबहादुर मल्ल (रामकृष्ण)ले जानकारी दिए । उनले जलजला गाउँपालिकाले पनि पहिलो प्राथमिकता सडकमै दिएको भएपनि सीमित स्रोतसाधनले समस्या भएको बताए ।
उनले जलजलाका सबै मुख्य सडकलाई कालोपत्रे गर्नेगरी प्रयास गरिरहेको पनि जानकारी दिए । मिलनचोक धाइरिङ सडक निर्माण भएपनि धाइरिङ हुँदै शालिजा, क्याङजानसमेत सहज हुनेछ । धाइरिङ सल्यानक्षेत्र तरकारी उत्पादनको पकेट क्षेत्र भएका कारण पनि त्यहाँ उत्पादन भएको कृषि उपज बजार पु¥याउन निकै सहज हुने अध्यक्ष मल्लले जानकारी दिए ।
जलजला गाउँपालिकाका प्रमुख प्रशासकिय अधिकृत अर्जुन शर्माले जलजला गाउँपालिकाले विकास निर्माणका योजनामा स्पष्ट प्रतिफल निकाल्नेगरी निगरानी र अनुगमन गरिरहेको जानकारी दिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

ललिता निवास जग्गा हिनामिना प्रकरण : सुवेदी दम्पतीको बयानबाट नयाँ तथ्य खुल्दै

प्रधानमन्त्री देउवाले भारतीय मोदीसँग उठाउलान् यी मुद्दा ?

नेपालमा बैंकिङ कसुरसम्बन्धी मुद्दा बढ्दै

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी




About Sarathi news
Description goes here
NEPAL OFFICE

Address 1
Kathmandu, Nepal

977-0000000000