कांग्रेस केन्द्रीय सदस्य जोशी सुतेको होटेलमा तोडफोड

पोखरा, मंसिर १४–पोखराको लेकसाइडस्थित हल्लनचोकमा रहेको होटल बुटिकमा गएराती तोडफोड भएको छ । मध्यराती सवा १२ बजे होटलभित्र छिरेका युवाले नेपाली काँग्रेसका केन्द्रीय सदस्य एवम् पूर्वसांसद अर्जुनप्रसाद जोशी सुतेको कोठा नम्बर २०३ को ढोका हानेका थिए । भित्रबाट बन्द भएको ढोका नखुलेपछि उनीहरुले त्यसलगत्तै वरपर तोडफोड र होहल्ला गरेका थिए । होटलको सिसिक्यामेरामा युवा होटलमा छिरेर सिधै जोशी सुतेकै कोठाको ढोकामा पुगेर हानेको देखिएको छ । उक्त होटल नेपाली काँग्रेसका नेता एवम् प्रदेश सांसद बिन्दु थापाले सञ्चालन गरेका हुन । उक्त होटलमा जोशी बसेका थिए ।

कास्की २ मा भएको प्रतिनिधिसभा सदस्य पदको उपनिर्वाचनमा जोशी काँग्रेसका उम्मेदवार खेमराज पौडेललाई जिताउन खटिएका छन् । जोशीले उपनिर्वाचनमा पराजित मानसिकताले तर्साउनका लागि नेकपाका कार्यकर्ता होटलमा छिरेर तोडफोड भएको बताए । ‘पहिला पनि म एक महिना नेपाली काँग्रेस कास्कीको संगठन सुदृढिकरणका लागि जागरण अभियानमा खटिएको थिए । अहिले पनि उपचुनावमा म खटिएको छु, दुरुत्साहित गर्नका लागि पराजित मानसिकताको उपजस्वरुप नेकपाका गुण्डाहरु प्रवेश गरेर तर्साउने मनसायले उक्त घटना गराएको हो ।’ नेपाली काँग्रेसका प्रभावशाली नेता जोशीले भने । कास्कीमा निरन्तर रुपमा जोशी खटिएपछि संगठनमा धेरै सुधार हुँदै गइरहेको छ । जोशीले काँग्रेसका भोट रोक्नका लागि नियोजित प्रोपोगाण्डा रचिएको पनि बताए ।
बुटिक होटलमा गएराती प्रवेश गरेका युवा।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000