मिनबहादुर परियारको निधन, काँग्रेसका नेताले भने–‘पार्टीलाई ठूलो क्षति भयो’

पर्वत, कार्तिक १९–नेपाल तरूण दलका नेता मिनबहादुर परियार (खड्का)को ३१ बर्षको उमेरमा निधन भएको छ । कुश्मा नगरपालिका वडा नम्बर ४ स्थित आफ्नै निवासमा परियारको सोमबार निधन भएको हो । लामो समयदेखि पेटको क्यान्सरबाट पीडित परियारको उपचार हुँदाहुँदै निधन भएको हो । परियारलाई नेपाल तरूण दलका केन्द्रीय कोषाध्यक्ष विद्वान गुरूङले तरूण दलको झण्डा र नेपाली काँग्रेस कुश्मा नगर कार्यसमितिका सभापति एवं कुश्मा नगरपालिका प्रमुख रामचन्द्र जोशीले पार्टीको झण्डा ओढाएर अन्तिम श्रद्धाञ्जली अर्पण गरेका थिए ।
खड्काप्रति अन्तिम श्रद्धाञ्जली दिँदै नेपाल तरूण दलका केन्द्रीय कोषाध्यक्ष विद्वान गुरूङले मिनबहादुरको निधनबाट तरूण दललाई अपुरणीय क्षति पुगेको वताए । ‘खड्का जुझारु र साहसी युवा थिए, उनको निधनले संगठनलाई ठूलो क्षति पुगेको छ’ केन्द्रीय कोषाध्यक्ष गुरुङले भने ।
त्यसैगरी परियारको पार्थिव शरीरमा पार्टीको झण्डा ओढाएर अन्तिम श्रद्धाञ्जली अर्पण गर्दै नेपाली काँग्रेस कुश्मा नगर सभापति एवं कुश्मा नगरपालिका प्रमुख रामचन्द्र जोशीले परियारको निधनबाट नेपाली काँग्रेस पर्वत स्तव्ध र मर्माहत भएको वताए । खड्काजस्ता योद्धाको सम्झना पर्वत काँग्रेसले सँधै गरिरहने उनले भने । नेपाली काँग्रेस पर्वतका कोषाध्यक्ष एवम् जलजला गाउँपालिकाका अध्यक्ष यामबहादुर मल्ल (रामकृष्ण)ले सम्भावना भएको युवा गुमाउनुपरेको बताए । उनले पनि नेपाली काँग्रेस पर्वतलाई ठुलो क्षति पुगेको बताए ।
स्वर्गीय खड्का कुश्मा नगरपालिका वाड नम्बर ४ का वडा सदस्य हिना परियारका श्रीमान समेत हुन् । उनको जन्म २०४५ माघ २४ गते कुश्मामा भएको थियो । खड्कालाई बचाउन देश तथा विदेशबाट धेरैले आर्थिक सहयोग समेत संकलन गरेका थिए । स्वर्गीय खड्काको सोमबारै कालीगण्डकी नदीस्थित गोपाङ्घघाटमा दाहसंस्कार गरिएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000