मेरील्याण्डमा पर्वत मोदीकाली समाजद्वारा मल्ललाई भब्य स्वागत, अमेरिकी सांसद भण्डारीले भने–‘जलजलामा लगानीका लागि पहल गर्छु’

पर्वत, असोज ५–अमेरिका भ्रमणमा रहेका जलजला गाउँपालिकाका अध्यक्ष एवम् नेपाली काँग्रेसका युवा नेता यामबहादुर मल्ल (रामकृष्ण) ले मेरील्याण्डमा त्यहाँका सांसदसहित नेपाली समुदायबाट भब्य स्वागत तथा सम्मान पाएका छन् । पर्वत मोदीकाली समाजले आयोजना गरेको कार्यक्रममा उनलाई नेपाली मुलका अमेरिकी सांसद एवम् राज्य सञ्चालन समितिका सदस्य ह्यारी भण्डारीसहित समाजका पदाधिकारी, सदस्यसहित नेपालीले भब्य स्वागत तथा सम्मान गरेका हुन ।
कार्यक्रममा नेपाली मुलका अमेरिकी सांसद एवम् राज्य सञ्चालन समितिका सदस्य ह्यारी भण्डारीले मल्लको अमेरिकी भ्रमणको सफलताको शुभकामना दिए । उनले आफ्नो जन्मथलो नेपालको पर्वत भएर अमेरिका बसेपनि आफु जन्मेको ठाउँको झनै बढी माया रहेको बताए । उनले उपयुक्त समय मिलाएर आफु सन् २०२० मा नेपाल आउने र त्यतिबेला पर्वतको जलजलाको भ्रमण गर्ने जानकारी दिए ।
भण्डारी छोटो समयमै अमेरिकाको तल्लो सदनको सांसदसँगै राज्य सञ्चालन समितिको सदस्यसम्म पुगेका छन् । उनले जलजला गाउँपालिकामै विवाह भएकाले पनि जलजलामा पुग्दा आफुबाट केही न केही गर्ने आश्वासन दिए । जलजलामा थुप्रै सम्भावना भएको आफुले पनि पाएको भन्दै भण्डारीले त्यहाँ जलविद्युत, पर्यटन, जडीबुटी उत्पादन, कृषिलगायतमा लगानीका लागि पहल गर्ने प्रतिबद्धता जनाएका थिए ।

कार्यक्रममा नेपाली काँग्रेस पर्वतका कोषाध्यक्ष समेत रहेका जलजला गाउँपालिकाका अध्यक्ष मल्लले अमेरिकामा रहेका विभिन्न नेपाली समुदायले गरेको सहयोग, स्वागत तथा सम्मानले निकै उत्साहित बनाएको बताए । उनले अमेरिकी सांसद ह्यारी भण्डारीले देखाएको सद्भावप्रति धन्यबाद दिदै जलजला गाउँपालिकाको भ्रमण गरेर त्यहाँको सम्भावनाको विकासका निम्ति सघाउन आग्रह गरे ।
कार्यक्रममा पर्वत मोदीकाली समाज अमेरिकाका अध्यक्ष धनबहादुर गुरुङले मल्ललाई स्वागत गर्दै कार्यक्रममा विशेष महत्व दिएर उपस्थित भएका अमेरिकी सांसद एवम् राज्य सञ्चालन समितिका सदस्य भण्डारीलाई धन्यबाद दिएका थिए । समाजका अध्यक्ष गुरुङको अध्यक्षतामा भएको कार्यक्रमको सञ्चालन महासचिव रमेश सुबेदीले गरेका थिए ।
यसअघि मल्ललाई विभिन्न राज्यका नेपालीहरुका साथै नेपाली जनसम्पर्क समिति, गैरआवासिय नेपाली संघलगायत संघसंस्थाले स्वागत तथा सम्मान गरिसकेका छन् । मल्ल एटलान्टा नगरपालिकाले आयोजना गरेको स्मार्टसिटी सम्बन्धी सम्मेलनमा भाग लिन भदौ २२ गते त्यसतर्फ प्रस्थान गरेका थिए । अमेरिकाको एटलान्टाबाट मेरील्याण्ड हुँदै न्युयोर्क पुगेका मल्ल पुन मेरील्याण्ड पुगेका छन् । मल्ल यही असोज १० गते स्वदेश फर्कने भएका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000