क्यान्सरपीडित मिनबहादुरलाई ११ लाख ७४ हजार हस्तान्तरण

पर्वत, भदौ २४–आन्द्राको क्यान्सरबाट पीडित भई उपचाररत कुश्मा नगरपालिका वडा नम्बर ४ का मिनबहादुर परियार ९खड्का०लाई मंगलबार ११ लाख ७४ हजार रुपैयाँ हस्तान्तरण गरिएको छ । परोपकारी पत्रकारितामा सक्रिय रामकृष्ण लामिछानेले सामाजिक सञ्जालमा गरेको आब्हानलाई स्वीकार गरी देश÷बिदेशमा रहेका नेपालीले गरेको उक्त सहयोग हस्तान्तरण गरिएको हो ।
नेपाली काँग्रेसका केन्द्रीय सदस्य एवम् पूर्वसांसद अर्जुनप्रसाद जोशी, महासमिति सदस्य राधाकुमारी कुँवर क्षेत्री, नेपाल पत्रकार महासंघ पर्वतका अध्यक्ष छविलाल तिवारीलगायतले संयुक्त रुपमा उक्त रकम मिनबहादुरलाई हस्तान्तरण गरिएको थियो । हस्तान्तरणका क्रममा जोशीले मिनबहादुरको परिवारसँग आफ्नो पारिवारिक सम्बन्ध रहेको र अहिले उनीमाथि परेको पीडाले निकै दुःखी बनाएको बताए । उनले रोगलाई जित्नसक्ने भनेकै बलियो आत्मबल भएकोले नआत्तिन पनि आग्रह गरे ।

काँग्रेस महासमिति सदस्य क्षेत्रीले मिनबहादुर बिरामी भएपछि लामिछानेले खोलेको खातामा आफुले पहिलो सहयोग गरेको र उनको पीडालाई बाड्ने प्रयास गरेको बताइन । उनले जस्तोसुकै दुःख परेपनि आत्मबल, आत्मविश्वासले धेरै मात्रामा रोग निको पार्न सकिने धारणा राखिन् ।
नेपाल पत्रकार महासंघ पर्वतका अध्यक्ष छविलाल तिवारीले मिनबहादुर परिवारलाई गम्भिर रोग लागेको थाहा पाएपछि लामिछानेले अभियान चालेको र त्यसमा पत्रकार महासंघले सघाएको बताए । उनले परोपकारी पत्रकारिताले धेरै बिपन्न, गरिबहरुको पीडामा मल्हम लगाएको भन्दै मिडियामा आएपछि सरकारले ध्यान नदिएपनि देश÷बिदेशमा रहेका नेपालीले मन फुकाउने गरेको बताए ।

कार्यक्रममा नेपाली काँग्रेस पर्वतका जिल्ला कार्य समिति सदस्य अशोक उच्चै ठकुरी, कुश्मा नगरपालिकाका शिक्षा अधिकृत राजेन्द्रबहादुर क्षेत्री, नेपाल पत्रकार महासंघ पर्वतका पूर्वअध्यक्ष ओमप्रसाद घायल, सचिव गणेश गिरी, नेपाल प्रेस युनियन पर्वतका आगामी अध्यक्ष उत्तम अधिकारी, उपाध्यक्ष रोशन तिवारी, महासंघका सदस्य सुबास लामिछाने, नेपाल टे«ड युनियन काँग्रेस पर्वतका पूर्वअध्यक्ष गुरु उपाध्यायलगायतको उपस्थिति रहेको थियो ।
सहयोग बुझ्दै मिनबहादुरले आफु बिरामी भएपछि देश बिदेशमा भएका नेपालीले लिएको चिन्ता र चासोप्रति धन्यबाद दिए । उनले प्राप्त भएको सहयोग रकमले धेरै राहत मिलेको पनि बताए । मिनबहादुरको उपचारका क्रममा झण्डै ५० लाख रुपैयाँ खर्च भइसकेको छ । यो समाचार साभार गर्दा स्रोत उल्लेख गरिदिनुहोला ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000