पर्यटन उपसमितिमा मनोहरको मनोमानी, पूर्वमाओबादीमा असन्तुष्टि, मान्य नहुने काँग्रेसको चेतावनी

पर्वत, भदौ २३–आन्तरिक पर्यटन बर्ष २०१९–२२ को जिल्ला उपसमिति गठन एकलौटी देखिएको छ । जिल्ला समन्वय समिति पर्वतका प्रमुख मनोहर बिश्वकर्मा पौडेलले मनोमानी रुपमा उपसमिति गठन गरेपछि नेपाली काँग्रेसले बिरोध गरेको छ । गण्डकी प्रदेशका उद्योग, पर्यटन वन तथा बाताबरणमन्त्री विकास लम्साल उपस्थित समारोहमा केही दिनअघि घोषणा भएको उपसमितिमा नेकपाबाहेक अन्य पार्टीको प्रतिनिधित्व नभएपछि काँग्रेसले उपसमितिका गतिविधि बहिष्कारसम्मको चेतावनी दिएको हो ।
घोषणा समारोहमा मन्त्री लम्सालले सबैको अपनत्व हुने र सबै विचार, क्षेत्रका ब्यक्तिलाई समेटेर उपसमिति गठन गर्न जिल्ला समन्वय समितिलाई जिम्मा दिएको बताएका थिए । जिल्ला समन्वय समितिका प्रमुख एवम् नेकपा पर्वतका नेता मनोहर बि. पौडेलले एकलौटीरुपमा पूर्वएमालेलाई मात्रै समेटेर उपसमिति गठन गरेपछि विवादमा परेको हो । काँग्रेसले मात्रै होइन उपसमिति गठनमा नेकपाभित्रै विवाद भएको छ । पौडेलले पूर्व माओबादी केन्द्रका नेताहरुसँग समन्वय नै नगरी गराएपछि उनीहरु रुष्ट देखिएका छन् । ‘हाम्रो समुह (पूर्वमाओबादी केन्द्र)सँग कुनै छलफल नै नगरी घोषणा गरिएको छ तर बाहिर बोल्न मात्रै नसकेका हौ’ नेकपा पर्वतका एक नेताले भने ।
नेपाली काँग्रेस पर्वतले उपसमिति नसच्याए विज्ञप्तीमार्फत जिल्लाभर बहिष्कार गर्न निर्देशन दिने बताएको छ । सभापति खिमप्रसाद भुसालले जिल्लाका पर्यटकीय ठाउँको प्रचारप्रसार, विकास गरी पर्यटन भित्राउने पवित्र कामको उद्देश्यको नाममा गठन भएको उपसमिति एकलौटी र गलत नियतबाट जन्मिएको दाबी गरे । जिल्ला समन्वय समितिका प्रमुख मनोहर बिश्वकर्मा पौडेललाई पार्टी आधिकारिक धारणा राख्दै उपसमिति नसच्याए राम्रो नहुने चेतावनी दिए ।
‘तपाई (समन्वय प्रमुख) सबैको जनप्रतिनिधि हो तर तपाईका कामकारबाही एकोहोरो र पूर्वाग्रहीयुक्त छन्, त्यो पर्यटन उपसमिति तत्काल सच्याउनुस्’ सभापति भुसालले जिल्ला समन्वय समितिमै गएर पौडेललाई भने । उपसमिति गठनमै नियत खराब देखिएको भुसालले बताए । ‘जिल्लामा मुख्य पार्टीसँग समन्वय, सल्लाह गर्नुपर्दैन’ उनले भने–‘पर्वतका सात वटा स्थानीय तहमध्ये काँग्रेसले तीन वटा जितेको छ भन्ने याद छ की छैन ।’
उनले जनप्रतिनिधि जुन पार्टीबाट जितेपनि सबैको साझा हुन सक्नुपर्ने बताए । ‘नेकपाको मात्रै होइन, काँग्रेसबाट जितेका पनि सबै जनप्रतिनिधि साझा हुनुपर्छ’ उनले भने । उनले काँग्रेसनिकटले नेतृत्व गरेका संस्थाबाट नेकपाकै राख्नु र नेकपानिकटले नेतृत्व गरेका संस्थामा अध्यक्ष भएका कारण हो भन्ने जवाफ दिनु गैरजिम्मेबार र पूवाग्रहयुक्तबाहेक केही नभएको भुसालले बताए ।
नेपाली काँग्रेसको सुझाब र सच्याउन गरिएको आग्रहलाई कमजोरी ठानिए राम्रो नहुने सभापति भुसालले चेतावनी दिएका छन् । समन्वय प्रमुख पौडेलले केहीदिनअघि आफ्नै संयोजकत्वमा केही कर्मचारी र नेकपानिकट ब्यक्ति राखेर पर्यटन उपसमिति गठन गरेका थिए ।
यसअघि पोखरामा प्रदेश पर्यटन मन्त्रालयले गरेको गोष्ठीमा पनि प्रदेशसमितिमा मन्त्रीलम्सालले एकलौटी समिति घोषणा गरेकोमा काँग्रेसले जितेका नगरपालिका र गाउँपालिकाले बहिष्कार गर्ने धम्की दिएपछि मन्त्री लम्साल सच्याउन तयार भएका थिए । पर्यटन भित्राउने कुरा साझा मुद्दा भएपनि खराब नियतले परिणाम ननिस्कने नेपाली काँग्रेस पर्वतको ठहर रहेको छ । काँग्रेसको धारणा सम्बोधन नभए वडा तहसम्म काँग्रेसले उपसमितिका गतिविधि बहिष्कारसम्म हुने सभापति भुसालले चेतावनी दिएका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000