‘सनातन धर्मसंस्कृतीको आक्रमणले धर्मनिरपेक्षताप्रति सोच्न बाध्य बनायो’

पर्वत, भदौ १७– जलजला गाउँपालिकाका अध्यक्ष यामबहादुर मल्ल (रामकृष्ण)ले धर्मनिरपेक्षता घोषणापत्रि सनातन धर्मसंस्कृतिमाथि निरन्तर प्रहार भइरहेको बताए । जलजला गाउँपालिका वडा नम्बर ८ नाग्लीवाङले आयोजना गरेको बृहत तीज मेलाको उद्घाटन गर्दै मल्लले सनातन धर्मसंस्कृतिमाथिको आक्रमणले धर्मनिरपेक्षताप्रति नै सोच्न बाध्य बनाएको दाबी गरे ।
‘नयाँ संविधानमा धर्मनिरपेक्षता कायम गरेदेखि नै निरन्तर सनातन धर्मसंस्कृतिमाथि आक्रमण भइरहेको छ, यसले सोच्न बाध्य बनाएको छ’ उनले भने । विगतमा बिदा दिने चाडवाडमा बिदा नदिने, घटाउने, गौहत्या बढ्नु, मठमन्दिर भत्काउनु, लोभलालचमा धर्मपरिवर्तन गराउनु राम्रो संकेत नभएको उनले बताए । उनले मेलामहोत्सवले धर्मसंस्कृति, कला संरक्षणमा महत्वपूर्ण भुमिका खेल्ने धारणा राखे । उनले जलजला गाउँपालिकाले लोप हुँदै गएका कला संस्कृति, परम्पराको संरक्षणका लागि प्राथमिकता दिएको दाबी गरे ।
जलजला गाउँपालिकाले सडक, खानेपानी, सिंचाईसहितका भौतिक पूर्वाधारसँगै कला संस्कृतिको संरक्षण र चेतनास्तरमा बृद्धिमा जोड दिएको जानकारी दिए । उनले दुई तिहाईको नाममा बनेको सरकारले विशेषगरी हिन्दुधर्मावलम्बीको चाडपर्वका बिदा कटौती गर्ने, बिदा घटाउनेलगायतका काम गरेकोमा बिरोध जनाए ।

नेपाली काँग्रेस पर्वतका उपसभापति दुर्गाबहादुर खत्रीले कला संस्कृतिको संरक्षणसँगै बढ्दो पश्चिमी संस्कृतिको अन्त्य गर्नुपर्ने बताए । हाम्रो धर्मसंस्कृतिका केही गलत पाटाहरु छन भने सुधार गर्न सकिने भएपनि धर्मसंस्कृतिलाई नै निमेठ पार्ने काम सहन नसकिने धारणा राखे ।
जलजला गाउँपालिका वडा नम्बर ८ नाग्लीवाङका वडा अध्यक्ष हरिविकास जिसीले मौलिक कला संस्कृतिको संरक्षण र पहिचानका निम्ति तिज मेला सञ्चालन गरेको बताए । मेला बुधबारसम्म सञ्चालन हुने पनि उनले जानकारी दिए । वडा अध्यक्ष जिसीको अध्यक्षतामा भएको कार्यक्रममा नेकपाका नेता सोम जिसीलगायतले बोलेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000