मन्त्रीको अघि गर्जिए मल्ल–‘सेवा लिन अन्य जिल्लामा जानुपर्ने ! त्यही हो संघीयता ?’

पर्वत, भदौ १४–निर्वाचनअघि दलका नेताहरुले संघीयता कार्यान्वयनपछि सिंहदरबारको अधिकार गाउँगाउँमा भन्दै जनतालाई भ्रम छरे । तर सिंहदरबारको अधिकार गाउँमा पु¥याउने नारा ब्यवहारमा लागु भएको छैन । गाउँमै सबै अधिकार तथा सेवा सुविधा पाउने भनिएपनि विगतमा जिल्ला सदरमुकामबाट पाएका सुविधा लिन अन्य जिल्लामा धाउनुपरेको गुनासो यतिबेला हामीहरु जतासुकै सुन्न पाउने गरेका छौ ।
संविधानमा भएका कुरा पनि कार्यान्वयन नगरीएको भन्दै स्थानीय तहहरुले बिरोध गरेका हुन । जलजला गाउँपालिकाका अध्यक्ष यामबहादुर मल्ल (रामकृष्ण)ले सिंहदरबारको अधिकार गाउँमा भनेर भ्रममात्रै छरिएको दाबी गरे । उनले सेवा लिन अन्य जिल्लामा जानुपर्ने अवस्थाले संघीयताप्रति जनताको धारणा बदलिन थालेको बताएका छन् । गण्डकी प्रदेशका उद्योग, पर्यटन बन तथा बाताबरण मन्त्री विकास लम्सालको अगाडी गाउँपालिकाको अध्यक्ष एवम् नेपाली काँग्रेसका युवा नेता मल्लले संघीयतामार्फत जनतालाई अधिकार दिने भनेर प्रदेश र संघ सरकारले छलछाम गरिरहेको टिप्पणी गरेका हुन ।
‘हिजो जिल्ला सदरमुकामबाट हुने बिषयगत शाखाका काम लिन अहिले बागलुङ र स्याङ्जा धाउनुपरेको छ, तर गाउँमा सिंहदरबारको अधिकार भनेर भ्रममात्रै छरिएको छ’ उनले भने । जलजला गाउँपालिका वडा नम्बर ७ धाइरिङमा गौशाला निर्माणका लागि आयोजना गर्न लागिएको महायज्ञको तयारी भेलालाई सम्बोधन गर्दै मल्लले प्रदेश र संघ सरकारले पुनः छुट्टाछुट्टै कार्यालयका शाखा जिल्लामा स्थापना गरेर स्थानीय तहको भुमिका प्रभावहिन बनाउन थालेको बताए ।
‘संविधानअनुसार प्रदेश र संघ सरकारले पुराना कार्यालयलाई ब्युताउन पाउदैनन्’ उनले भने । उनले माथिल्ला दुई सरकारले स्थानीय तहको सरकारसँग बिना समन्वय काम गरिहेको पनि गुनासो गरे । ‘अहिले तीन तहको सरकार छ । तर एकअर्कासँगको समन्वय नै छैन । माथिल्ला सरकारले तल्ला सरकारका अधिकार खोस्ने, अंकुस लगाउने, काम गर्न नदिने मात्रै भइरहेको छ’ उनले भने–‘स्थानीय तहको सरकारको अधिकार संविधानमा हुन्छ तर लागु गर्न अबरोध गरिन्छ । संविधानअनुसार काम गर्न नपाएको अवस्था छ ।’
उनले यस्तै रहेमा गाउँपालिका र नगरपालिका महासंघले केन्द्रीय सरकारबिरुद्धमा मुद्दा हाल्ने तयारी भएको पनि खुलासा गरे । प्रदेश र संघमा गाउँसभा र गाउँकार्यपालिकाले महत्वपूर्ण निर्णय गरेर पठाएका योजना रोक्ने र चोरबाटोबाट गएका योजना दिने गरिएकोमा पनि उनले आक्रोश पोखे ।
यसैबिच मल्लले गौशाला निर्माणका लागि आयोजना हुने महायज्ञ सफल पार्न सबैलाई आग्रह गरे । ९५ प्रतिशत हिन्दु रहेको मुलुकमा आज धर्मनिरपेक्षता घोषणाले सनातनधर्ममाथि आक्रमण भएको बताए । उनले जलजलाको सिमसारक्षेत्र नेपालकै सुन्दर रमणीय ठाउँ भएकोले त्यसको विकासका लागि सबैको साथ हुनुपर्ने बताए ।
तीन हजार तीन सय मिटर उचाईको हम्पालको लेकमा तालसहित भौतिक संरचना निर्माण गरी पर्यटक तान्ने योजना सफल बनाएरै छाड्ने मल्लले दाबी गरेका छन् । त्यसको डिपिआरका लागि गाउँपालिकाले चालु आर्थिक बर्षका लागि २० लाख रुपैयाँ बिनियोजन गरेको छ । हम्पालको लेकमा नेपालकै सबैभन्दा बढी प्रजातिका लालिगुरास पाइने गर्छ । त्यस्तै जडिबुटी, जङ्गली जनावरको अवलोकन, आकर्षक हिमश्रृङ्खलाको पनि अवलोकन गर्न सकिन्छ । जलजला गाउँपालिकाले हम्पालको विकासले जलजला गाउँपालिकाको विकास र समृद्धिलाई महत्वपूर्ण सघाउने भएकोले गाउँपालिकाले प्राथमिकता दिएर लागेको जनाएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000