हावाहुरी पीडितको घरदैलोमा पुग्यो तरूण दल, अध्यक्ष बस्नेत र कोषाध्यक्ष गुरुङले बितरण गरे राहत

पर्वत, भदौ १२–प्राकृतिक बिपत्तीमा पीडितलाई राहत बितरण गरी नागरिकको पीडामा मलम लगाउने काम गर्दै आएको नेपाल तरुण दलले अर्को उपकारी काम गरेको छ । सरकारको भूमिकामाथि नागरिक अविश्वास बढिरहेको बेला नेपाल तरुण दलले विभिन्न प्रकोपबाट पीडित परिवारलाई राहत बाँड्न पीडितहरूको घरदैलोमै पुगेको हो । केही महिना अघि बारामा गएको हावाहुरीबाट ज्यान गुमाएका ३१ परिवारको घरदैलोमा पुगेर तरूण दलले नगद सहयोग गरेको हो । नेपाल तरुण दलका अध्यक्ष एवम् नेपाली काँग्रेसका युवा नेता जीतजंग बस्नेत र नेपाल तरुण दलका केन्द्रीय कोषाध्यक्ष एवम् नेपाली काँग्रेसका युवा नेता विद्वान गुरूङले बारामा आयोजित एक कार्यक्रममा उक्त रकम मृतकका परिवारलाई हस्तान्त्रण गरेका हुन् ।

नेपाल तरुण दल बाराले संयोजन गरेको राहत हस्तान्तरण कार्यक्रममा हावाहुरीबाट ज्यान गुमाएक ३१ वटै परिवारका सदस्यहरु सहभागी थिए । दलका अध्यक्ष बस्नेत र कोषाध्यक्ष विद्धान गुरुङले ३१ परिवारका सदस्यलाई जनही १० हजार रुपैयाँ नगदसहितको राहत हस्तान्तरण गरेका हुन् । ‘एक परिवार १० हजार भन्ने कार्यक्रम बनाएर हामीले हावाहुरीबाट ज्यान गुमाएका ३१ परिवारका सदस्यहरुलाई रकम हस्तान्त्रण गरका हौ’ अध्यक्ष बस्नेतले भने । अध्यक्ष बस्नेतले हिमाल, पहाड र तराई जहाँसुकैका नागरिकहरूलाई समस्या पर्दा पनि तरूण दलले आफ्नो सशक्त उपस्थिति जनाउने प्रतिबद्धता जनाए ।

राहतका लागि तरुण दल केन्द्रीय समितिलाई तरुण दल अमेरिका शाखाले दुई लाख रुपैयाँ, तरुण दल दोलखा शाखाले एक लाख १६ हजार रुपैयाँ र अर्घाखाँचीका सुरज पोखरेलले १० हजार रुपैयाँ सहयोग गरेको नेपाल तरूण दलका केन्द्रीय कोषाध्यक्ष विद्वान गुरूङले जानकारी दिए । गुरूङले राज्यको उपस्थिति कमजोर भएको बेलामा तरूण दलको उपस्थितिले नेपाली काँग्रेसका प्रति जनताको आकर्षण बढेको दावी गरे । ‘हामी सबै पीडित परिवारलाई सान्त्वना दिएर फर्कदै छौ, यो अभियान अरू ठाउँमा पनि जारी रहन्छ’ नेपाली काँग्रेसका युवा र उदयमान नेता गुरुङले भने । नेपाल तरुण दलले प्राकृतिक विपत्तीमा विभिन्न किसिमका सहयोग गर्दै आएको छ । बारा र पर्सामा हावाहुरीले वितण्डा मच्चाएपछि तरुण दलले त्यही पुगेर पुर्नस्थापना र राहत वितरणमा पनि सहयोग गरेको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000