सरकारको ज्यादतीका बिरुद्ध आन्दोलनका लागि तयार रहन आग्रह

पर्वत, बैशाख २८–नेपाल तरुण दलका केन्द्रीय कोषाध्यक्ष विद्वान गुरुङले सरकारको संस्थागत अपराधिकरण र ज्यादतीका विरुद्ध अब आन्दोलनको आँधीवेहरी सिर्जना गर्ने बेला आएको बताएका छन् । उनले तरुण दल जुनसुकै बेला आन्दोलनमा आउने भन्दै तयार रहन सबै सबै तरुणलाई आग्रह गरेका छन् । नेपाली काँग्रेस जलजला गाउँपालिका समितिको आयोजनामा शनिवार जलजला–९, बनौमा आयोजित पार्टीको जागरण अभियानलाई सम्बोधन गर्दै गुरुङले यस्तो बताएका हुन । चुनाव अघि न्याय, सुशासन र समृद्धिको सपना बाँडेर जनताको दुई तिहाइ मत हासिल गरेको नेकपाले सत्तामा पुगेपछि भ्रष्ट्राचार, महंगी र अपराधीकरणलाई संस्थागत गरेर जनतालाई धोका दिएको उनको दाबी छ ।

नेकपाको ज्यादतीको भण्डाफोर गर्न काँग्रेसले देशभर जागरण अभियान संचालन गरेको भन्दै उनले आवश्यक परे सडकमा आउने चेतावनी दिए । ‘दुईतिहाई जनमत पाएको सरकारले देश बनाउँछु भन्दा हामीले पनि पत्यायौं र डेढ बर्षसम्म हे¥यौं, तर यो डेढ बर्षमा अन्याय, अत्याचार र भ्रष्टाचारले जनता अत्तालिइसकेको पाएका छौ’ उनले भने । सरकारका कारण राष्ट्रियता र लोकतन्त्र समेत संकटमा परेकोले देशभक्त सबै जनतालाई चनाखो भएर काँग्रेसको अभियानमा समर्पित हुन पनि आब्हान उनले गरे ।
नेपाली काँग्रेस पर्वतका कोषाध्यक्ष एवं जलजला गाउँपालिकाका अध्यक्ष यामबहादुर मल्ल (रामकृष्ण)ले संघीय सरकारले स्थानीय सरकारको अधिकारमाथि ठाडो हस्तक्षेप गरेर काम गर्न नदिएको वताउँदै ओली सरकार नै जनाधिकार र संघीयताको खिलापमा रहेको आरोप लगाए ।
केन्द्रीय सरकारको निर्देशनमा आफूले गतबर्ष करको दायरा बढाएको भएपनि करबाट जनताहरु मर्माहत भएकोले आगामी बर्षको बजेट, नीति तथा कार्यक्रममा करको दायरा घटाउने प्रतिवद्धता उनले जनाए । उनले संविधानमै स्थानीय स्रोत साधनमाथि स्थानीय सरकारको अधिकारको व्यवस्था भएपनि केन्द्रको अनावश्यक हस्तक्षेपले जनताको घरदैलोमा विकास र समृद्धि पु¥याउन नसकिएको दावी गरे । लोकतन्त्र र संघीयतालाई बलियो बनाउने हो भने स्थानीय सरकारलाई अझैबढि अधिकार प्रत्यायोजन गर्नुपर्ने धारणा उनले राखेका थिए ।

कार्यक्रममा नेपाली काँग्रेस जलजलाका संयोजक चन्द्रबहादुर जिसीले जनताको पीरमर्का बुझ्न र जनतालाई जागृत गर्न काँग्रेस जनताको घरदैलोमा आएको वताए । नेपाली काँग्रेस बनौका सभापति होमबहादुर फकामीको अध्यक्षतामा भएको उक्त कार्यक्रममा जलजला गाउँपालिकाका उपाध्यक्ष एवं महिला नेतृ सीमा पुन, नेपाली काँग्रेसका आमन्त्रित जिल्ला सदस्य सोम पुन, जलजला ४ का वडाअध्यक्ष भीष्म मल्ल र नेपाल शिक्षक संघ जिल्ला कार्य समितिका सदस्य हरिनारायण रेग्मी काँग्रेस बनौका पूर्वसभापति गम्भिर फकामी, नेबिसंघका नेता आकाश चोचाङ्गी लगायतले बोलेको जलजला गाउँपालिकाका सल्लाहकार यम शर्मा पौडेलले जानकारी दिए । कार्यक्रममा नेकपा र जनमुक्ति पार्टीका छ जना काँग्रेसमा प्रवेश गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000