योजनामा कडाई गर्दै फलेबास नगरपालिका, निर्माणस्थलमै सार्वजनिक सुनुवाई

पर्वत, बैशाख २२–योजनाको कामै नगरी बजेट निकासा गर्ने, बिल मिलाएर खाने, बजेट आएको र खर्च भएको बिषयमा उपभोक्तालाई नै जानकारी नहुने कतिपय स्थानीय तहका गुनासो र समाचार हामी सुन्दै आएका छौ । तर यहाँको नगरपालिकाले भने योजनाको रकम भुक्तानीमा कडाई गर्ने भएको छ । फलेबास नगरपालिकाले उपभोक्ता समितिले गरेको काममा समेत कडाई गर्ने भएको छ । पारदर्शिता र सुशासनलाई जोड दिँदै नगरपालिकाले योजनाको निर्माणस्थलमै सार्वजनिक सुनुवाई गर्ने भएको हो । आगामी जेठ २५ गतेसम्म सबै योजना निर्माण गरिसक्नुपर्ने समयावधि तोकेको नगरपालिकाले निर्माणस्थलमै आम उपभोक्तामाझमा सार्वजनिक सुनुवाई गरेर मात्रै अन्तिम किस्ता निकासा गर्ने तयारी गरेको हो ।
फलेबास नगरपालिकाले योजनाका उपभोक्ता समितिका पदाधिकारीलाई नगरपालिकामा बोलाएर काममा लापरबाही नगर्न, बजेट पारदर्शी राख्न, होडिङबोर्ड अनिवार्य टास्न, योजनाको बिल भरपाईसहित आवश्यक कागजात पु¥याउन निर्देशन दिएको छ । योजना पुरा नगर्ने, प्रक्रिया नपु¥याउने, कागजात नपु¥याउनेले भनसुनका आधारमा बजेट निकासा नगर्ने नगरपालिकाले स्पष्ट पारेको छ ।

नगर प्रमुख पदमपाणी शर्माले सबै योजनाको सार्वजनिक सुनुवाई गर्ने बताए । ‘कुन योजनामा कति बजेट हो ?, त्यसले कति काम भयो ?, उपभोक्ताले कस्तो महसुस गरेका छन्लगायत बिषयमा पारदर्शीता र सुशासन कायम गर्नका लागि योजनास्थलमै पुगेर सार्वजनिक सुनुवाई गर्दैछौ’ नगर प्रमुख शर्माले भने । उनले नगरपालिकाको कामलाई प्रणालीमा लैजाने प्रयास गरिएको भन्दै नगरपालिकाले बिधि, प्रक्रियामा कडाई गरेको जानकारी दिए ।
उनले उपभोक्ता समितिका पदाधिकारी योजना निर्माण नहुँदासम्मका लागि जनप्रतिनिधिजस्तै भएको भन्दै अन्य योजनामा पनि त्यही मान्छे चाहिन्छ भन्ने आमरुपमा छाप पार्न पनि उपभोक्ता समितिका पदाधिकारीलाई आग्रह गरेका थिए । नगर प्रमुख शर्माले बर्षाको कामको कुनै अर्थ नहुने भएकाले फलेबास नगरपालिकाले जेठ २५ गते पछाडी योजनाको चेक नकाट्नेगरी तयारी गरेको जानकारी दिए । ‘हामीले जेठ २५ गतेभित्र सबै काम सम्पन्न गरी पेश गर्न निर्देशन दिएका छौ, त्यो भन्दा अगावै सबै काम सम्पन्न गरिसक्नुपर्छ’ उनले भने ।

फलेबास नगरपालिकाका प्रमुख प्रशासकिय अधिकृत मोती सापकोटाले फलेबास नगरपालिकाले तोकिएको मितिमा, तोकिएको काम र तोकिएको कागजात पुरा नभएमा निकासा नगर्ने गरी तयारी गरेको दाबी गरे । उनले अहिले धेरै योजना निर्माण सम्पन्न भएर आएको र सबै योजनाको सार्वजनिक सुनुवाई गर्ने जानकारी दिए । उनले पाँच लाखसम्मका योजना वडा अध्यक्ष र त्यो भन्दामाथिका योजनामा नगर प्रमुखकै उपस्थितिमा योजनास्थलमै सार्वजनिक सुनुवाई गरेर मात्रै रकम भुक्तानी गर्ने तयारी भएको पनि बताए ।
फलेबास नगरपालिकाका लेखा अधिकृत यशोदा सुबेदीले लेखा शाखाले तोकेअनुसारको बिलभरपाईसहितका कागजात अनिवार्य रुपमा पेश गर्न आग्रह गरिन । वडा नम्बर १ का अध्यक्ष बाबुराम शर्मा, वडा नम्बर ८ का अध्यक्ष मनबहादुर कुँवर, नगरपालिकाका अधिकृत प्रकाश लम्साल, योजना ब्यवस्थापक देवी तिमिल्सिनालगायतले बर्षाको विकासको कुनै अर्थ नभएका कारण पनि समयमै योजना सम्पन्न गरेर नगरपालिकाको अभियानमा साथ दिन आग्रह गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000