काँग्रेस नेता भद्रबिर गुरुङको निधन, सभापति देउवाले ओढाए झण्डा


पर्वत, माघ ५–नेपाली काँग्रेस नेता भद्रबिर गुरुङको निधन भएको छ । तीन सातादेखि बिरामी भइ उपचाररत गुरुङको शुक्रबार निधन भएको हो । पर्वतको मोदी गाउँपालिका वडा नम्बर १ भुकताङ्ले घर भएका गुरुङ पछिल्लो समय प्यारालाइसिसबाट पीडित थिए । त्यही क्रममा आगोले पोलेपछि गम्भिर घाइते भएका थिए । उनको काठमाडौमा उपचारपछि १० दिनअघिमात्रै पोखरा ल्याइएको थियो ।

बाहिरी घाउ निको भएपनि भित्रभित्रै स्रंक्रमणले बाबुको निधन भएको उनका छोरा अमृतले जानकारी दिए । नेपाली काँग्रेसका पूर्वमहाधिवेशन प्रतिनिधि रहेका भद्रबिरको मृत शरिरमा शनिबार गुरुङको पोखरास्थित घरमा नेपाली काँग्रेसका सभापति एवम् पूर्वप्रधानमन्त्री शेरबहादुर देउवा, पूर्वउपसभापति गोपालमान श्रेष्ठ, काँग्रेस केन्द्रीय सदस्य अर्जुनप्रसाद जोशीले पार्टीको झण्डा ओढाए ।
सो अवसरमा आयोजित श्रद्धाञ्जलीसभामा काँग्रेस सभापति देउवाले लोकतन्त्र, शान्ति, विकास र काँग्रेसको पक्षमा भद्रबिरको योगदान सुन्दा उनको निधनले काँग्रेस पार्टीलाई नै अपुरणीय क्षति भएको बताए । देउवाले शोकलाई शक्तिमा बदलेर भद्रबिरले लिएको बाटोलाई नछाड्न र निरन्तर काँग्रेस र लोकतन्त्रलाई बलियो बनाउन आग्रह गरे ।

कार्यक्रममा नेपाली काँग्रेसका केन्द्रीय सदस्य एवम् पूर्वसांसद अर्जुनप्रसाद जोशीले भद्रबिरको पार्टी, विकास र लोकतन्त्रप्रतिको लगाबलाई कहिल्यै भुल्न नसकिने बताए । ‘विकास निर्माण र काँग्रेसप्रति उहाँको लगाव कहिल्यै भुल्न सकिदैन’ नेता जोशीले भने । श्रद्धाञ्जलीसभापछि शव यात्रा निकालिएको थियो । शव यात्रामा नेपाली काँग्रेस पर्वतका कोषाध्यक्ष एवम् जलजला गाउँपालिकाका अध्यक्ष यामबहादुर मल्ल, काँग्रेस पर्वतका पूर्वसभापति लालकाजी गुरुङ, नवराज गुरुङ, प्रदेश सांसद ललितकला गुरुङ लगायत नेताको सहभागिता रहेको थियो ।

 

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000