प्रहरी कार्यालयबाटै टिभी हराएपछि…

पर्वत, मंसिर ११–जिल्ला प्रहरी कार्यालयमा प्रहरी हवल्दार र जवानहरुले खरिद गरेर प्रयोग गरेको टिभी हाकिमले चोरेको भन्दै प्रहरी प्रधान कार्यालयमा उजुरी परेको छ । घटना ७ साउन ०७४ मा भएको दाबी गर्दै प्रहरी महानिरिक्षकलाई सम्बोधन गरेर छानबिन गरी दोषीलाई कारबाही गर्न माग गरिएको हो ।
जिल्ला प्रहरी कार्यालयका पीडित प्रहरी कर्मचारीहरुको नाममा दिइएको उजुरीमा हाल अवकाश पाएका तत्कालिन प्रहरी निरिषक मधुकरजंग बिष्ट, तत्कालिन लेखापाल नारायण भण्डारी र जिप्रका पश्चिम नवरपरासीमा कार्यरत सुबेदार मेजर प्रमोदविक्रम केसीको मिलेमतोमा रातको समयमा ३२ इन्चको एलसिडी टिभी चोरिएको उल्लेख छ ।
उजुरी गत असोज ३० गते प्रहरी प्रधान कार्यालयमा पठाइएपनि हालै मात्रै उजुरी सार्वजनिक भएको हो । उक्त टिभी प्रहरी हवल्दार तथा जवानहरुले एसइई परीक्षामा ड्युटी गरेपश्चात आएको रकमबाट जुप्रअ ब्यारेकको लागि ३२ हजार रुपैयाँमा खरिद गरेको उजुरीमा छ ।
‘जनताको जिउ धनको सुरक्षार्थ खटिने प्रहरी त्यसमा पनि एउटा जिम्मेबार प्रहरी कर्मचारीबाट यस्तो पीडित ब्यवहार कुन प्रहरी कर्मचारी तथा कुन नेपाली नागरिकलाई मन पर्ला ? त्यसैले घटनाको यथार्थ बुझी हराएको टिभी बराबरको मुल्य असुल गराई, टिभी आम्दानीमा बाध्न यो पत्र लेखेका छौ’ उजुरी पत्रमा उल्लेख छ । उजुरीको बोधार्थ गृह मन्त्रालय प्रहरी प्रशासन शाखा, गण्डकी प्रदेश प्रहरी कार्यालय, ५ नम्बर प्रदेश प्रहरी कार्यालय, जिल्ला प्रहरी कार्यालय पर्वत र नवलपरासी पश्चिमसहित सञ्चारमाध्यमलाई दिइएको छ ।
जिल्ला प्रहरी कार्यालय पर्वतका निमित्त प्रमुख एवम् प्रहरी निरिक्षक राजन रायमाझीले यस बिषयमा आफुलाई केही थाहा नभएको बताए । आफु एक महिनाअघि मात्रै पर्वत आएको र त्यसबिषयमा कुनै चर्चा नभएको उनले जानकारी दिए । उजुरीका बिषयमा अहिलेसम्म कुनै सुचना आफुले नपाएको र त्यसबिषयमा के भएको हो अव बुझ्ने बताए । जिल्ला प्रहरी प्रमुख भुवनेश्वर तिवारी यतिबेला बिदामा रहेका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी

अध्यक्ष मल्लको पहलमा जलजलामा भित्रियो करोडौ बजेट

शिक्षा र स्वास्थ्य क्षेत्रलाई प्रविधिमैत्री बनाउन जलजलाले बाड्यो कम्प्युटर र ल्यापटप

जलजलाका उद्यमीका लागि आयोजित उद्घोषण तथा क्षमता अभिबृद्धि तालिम सम्पन्न




About Sarathi news
Description goes here
NEPAL OFFICE

Address 1
Kathmandu, Nepal

977-0000000000