वडाले ग¥यो ७५ बर्षमाथिका बृद्धबृद्धालाई नगदसहित सम्मान

बृद्धलाई सम्मान गर्दै पूर्वसाँसद एवम् काँग्रेस केन्द्रीय सदस्य अर्जुनप्रसाद जोशी ।

पर्वत, जेठ ८–यहाँका ७५ बर्षमाथिका बृद्धबृद्धालाई वडा कार्यालयले नगदसहित सम्मान गरेको छ । कुश्मा नगरपालिका वडा नम्बर ९ कटुवाचौपारी वडा कार्यालयले सोमबार एक कार्यक्रम गरी एक सय १० जना बृद्धबृद्धालाई सम्मान गरेको हो । वडा अध्यक्ष कृष्णप्रसाद लामिछानेले बृद्धबृद्धालाई उत्साह र उत्प्रेरणा जगाउन सम्मान गरिएको जानकारी दिए ।
उनकाअनुसार एक सय १० जना ७५ बर्षमाथिका बृद्धबृद्धालाई सम्मान गरिएको हो । सम्मानित हुनेमा ९७ बर्षसम्मका रहेका थिए । वडा कार्यालयको बार्षिक कार्यक्रमअनुसार सम्मान कार्यक्रम राखिएको लामिछानेले जानकारी दिए ।
बृद्धबृद्धालाई पर्वतका पूर्वसांसद एवम् काँग्रेस केन्द्रीय सदस्य अर्जुनप्रसाद जोशीले दोसल्ला ओढाएर तथा नगद प्रदान गरेर सम्मान गरेका थिए । बृद्धबृद्धाको सम्मानले उनीहरुमा आत्मबल र बाचुञ्जेल हौसला बढ्ने जोशीले बताए । उनले विकास निर्माणसँगै यस्ता रचनात्मक र सामाजिक काममा वडा कार्यालय लागेकोमा धन्यबाद पनि दिए ।
सम्मान पाएपछि ९७ बर्षिय पशुपति लामिछानेले खुशी ब्यक्त गरे । ‘यो समयमा पनि हाम्रो मनोबल उच्च राख्न सम्मान गरेकोमा धेरै धेरै धन्यबाद छ’ लामिछानेले भने । उनले यस्ता कार्यक्रमलाई निरन्तरता दिनुपर्नेमा जोड दिए । उता कुश्मा नगरपालिका वडा नम्बर ९ कै ९६ बर्षिय सुविन्द्रबहादुर जिसीले पनि यो उमेरमा गरिएको सम्मानले सबैभन्दा आफु हर्षित भएको बताए ।
‘हाम्रो लागि पनि सम्मानका लागि सम्झने निकाय रहेकोमा निकै खुशी छु’ जिसीले भने । ९३ बर्षिय टिकाबहादुर कामीले नगद र पैसाका लागि भन्दापनि मर्नेबेलामा यो सम्मान पाएको भन्दै धन्यबाद दिए । ‘यो सम्मानको लागि म सधै ऋणी भइरहनेछु’ उनले भने । कार्यक्रममा कुश्मा नगरपालिकाका उपप्रमुख सिता काफ्ले लामिछानेले वडा कार्यालयले अन्य कामसँगै बृद्धबृद्धाको सम्मानका लागि बजेट बिनियोजन गरेको धन्यबाद दिइन् ।
कार्यक्रममा जिविसका पूवउपसभापति राम शर्मा पौडेल, काँग्रेसका वडा सभापति पिताम्बर शर्मा अधिकारी, नेपाल कम्युनिष्ट पार्टीका नेता सुरेश पिसी, वडा सचिव लेखनाथ रेग्मी सामाजिक परिचालक जमुना सुवेदी बैरागीलगायतले बोलेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000