माघ १८ मा चार नम्बर साक्षर प्रदेश बन्दै

पर्वत, माघ १२–यही माघ १८ गते प्रदेश नम्बर ४ साक्षर प्रदेश बन्ने भएको छ । माघ १८ गते प्रदेशको अन्तिम जिल्लाका रुपमा पर्वत जिल्लालाई साक्षर जिल्ला घोषणा गर्न लागिएको हो । जिल्ला शिक्षा कार्यालय पर्वतले १५देखि ६० बर्ष उमेर समुहका झण्डै ९७ प्रतिशत जनसंख्या साक्षर भएपछि जिल्लालाई साक्षर जिल्ला घोषणा गर्न लागेको हो ।
१५–६० बर्ष उमेर समुहका ९५ प्रतिशत जनसंख्या साक्षर भएपछि साक्षर जिल्ला घोषणा गर्न सकिने भएपनि पर्वत जिल्लामा ९६ दशमलब ९३ प्रतिशत जनसंख्या साक्षर भएको जिल्ला शिक्षा अधिकारी रमेशराज पौडेलले जानकारी दिए । १५–६० उमेर समुहको जनसंख्यामध्ये ७८ हजार दुई सय १० जना साक्षर भएको उनले बताए ।
‘पर्वतमा १५–६० उमेर समुहका ७८ हजार दुई सय १० जना साक्षर भएका छन, अव दुई हजार चार सय ७४ जना निरक्षर छन’ जिल्ला शिक्षा अधिकारी पौडेलले भने । ३२ हजार तीन सय ३६ पुरुषमध्ये ३१ हजार पाँच सय र ४८ हजार तीन सय ४८ महिला मध्ये ४६ हजार सात सय १० जना साक्षर भएको शिक्षा कार्यालयको दाबी छ ।
मापदण्ड पुगेपछि साक्षरता जिल्ला घोषणा गर्न लागेको शिक्षा अधिकारी पौडेलले बताए । ४ नम्बर प्रदेशका पर्वत बाहेकका सबै जिल्ला साक्षर जिल्ला घोषणा भइसकेका छन् । पर्वत घोषणा भएपछि ४ नम्बर प्रदेश नै साक्षर हुने शिक्षा विभागका महानिर्देशक बाबुराम पौडेलले जानकारी दिए ।
उनकाअनुसार हालसम्म ४१ वटा जिल्ला साक्षर जिल्ला घोषणा भइसकेका छन् । ‘बिचमा अन्य जिल्ला घोषणा नभए पर्वत जिल्ला ४२ जिल्लाका रुपमा साक्षर घोषणा हुनेछ’ उनले भने । उनले साक्षर घोषणापछि निरक्षर रहेकालाई क्रमशः साक्षर बनाइने र अन्य शैक्षिक कार्यक्रमलाई जारी राखिने पनि बताए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000