म हारेपनि पर्वतलाई पराजित हुन दिन्न ः जोशी


पर्वत, मंसिर २४–पर्वत जिल्लाको राजनीतिमा अपराजित नेता भनेर चिनिने काँग्रेस केन्द्रीय सदस्य अर्जुनप्रसाद जोशीले यसपटकको प्रतिनिधिसभा निर्वाचनमा आफू पराजित भएपनि काँग्रेस कार्यकर्ताको मनोबल हार्न नदिने बताएका छन् । उनले जिल्लाको आर्थिक विकास र समृद्धिलाई निष्कर्षमा पु¥याएरै छाड्ने प्रतिवद्धता व्यक्त गरेका छन् । निर्वाचनको मतपरिणाम सार्वजनिकपछि पत्रकारहरुसँग कुरा गर्दै जोशीले राजनीतिमा जितहार स्वभाविक भएको बताए ।

‘दुई प्रमुख शक्तिसँग एक्लै लड्नु अवश्य पनि चुनौति थियो, राजनीतिमा हारजित स्वभाविक हो’ उनले भने–‘हिजोजस्तै भोलिपनि जिल्लाको विकास र समृद्धिको अभियानमा कुनै कसर राख्दिन ।’ उनले पर्वतबाट निर्वाचित भएका तिनैजना उम्मेदवारलाई बधाई दिदै आफुले पर्वतमा सुरु गरेको विकास र समृद्धिलाई पुरा गर्न आग्रह गरेका छन् । उनले आफु पराजित भएपनि जितेका प्रतिनिधिसँग सहकार्य गरेर पर्वतको विकास र समृद्धिमा निरन्तर लाग्ने प्रतिबद्धता पनि जनाएका छन् ।

प्रत्येक वडा तहबाट निर्वाचनको समीक्षा गर्ने,  पार्टीभित्रको असन्तुष्टि र अन्तरघातको पहिचान गर्ने र पार्टीलाई नयाँ सोंच र शैलीका साथ अघि बढाउने उनले बताए । उनले पर्वतमा काँग्रेस पराजित हुनुको प्रमुख कारण दुई प्रमुख राजनीतिक शक्तिको चुनावी तालमेल, जनतामा सपनाको उधारो व्यापार र अथाह पैसाको चलखेल रहेको दावी गरे । जोशीले विगत १८ बर्षमा पर्वतमा आफूले धेरै विकास गरेर पनि गरेका कामको प्रचारप्रसार गर्न नसक्नु पनि पराजयको कारण रहेको विश्लेषण गरे । ‘मैले विगतमा जिल्लाको बाटो, बिजुली, खानेपानी, शिक्षा, स्वास्थ्य र जनताको आयआर्जनमा धेरै काम गरेँ तरपनि कामको प्रचारमा वास्ता गरिन तर आज जनतामा विकासको उधारो कारोवार गर्नेहरुले वाजी मारे’ उनले भने ।

उनले निर्वाचनमा सहभागी हुने आम मतदाता, निर्वाचन सफल बनाउने निर्वाचन आयोग, सुरक्षा निकाय, स्थानीय प्रशासन, नागरिक समाज, पत्रकार र सबै शुभचिन्तकहरुलाई कृतज्ञता व्यक्त गरेका छन् । जोशीले २०५६ सालमा संसदीय निर्वाचन, २०६४ सालमा पहिलो संविधानसभा निर्वाचन र २०७० सालको संविधानसभा निर्वाचनमा पर्वत क्षेत्र नं १ बाट निरन्तर चुनाव जित्दै आएका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000