निर्वाचनको सम्पूर्ण तयारी पूरा

काठमाडौंँ, मङ्सिर ९ –आसन्न प्रतिनिधिसभा र प्रदेशसभाको पहिलो चरणको निर्वाचनको सम्पूर्ण तयारी पूरा भएको निर्वाचन आयोगले जनाएको छ ।  पहिलो चरणको निर्वाचनमा प्रदेश नम्बर १ का सातवटा, प्रदेश नम्बर ३ का छ वटा, प्रदेश नम्बर ४ का छ वटा, प्रदेश ५ का दुईवटा, प्रदेश ६ का सातवटा र प्रदेश ७ का चारवटा जिल्लामा पहिलो चरणमा निर्वाचन हुँदैछ ।

पहिलो चरणका निर्वाचन अन्तर्गतका सबै मतदान केन्द्रमा कर्मचारी पुगिसकेको र कर्मचारीले मतदान केन्द्र बनाउने काम गरिरहेको जानकारी निर्वाचन आयोगका प्रवक्ता नवराज ढकालले दिएका छन् । महिला, पुरुष र शारीरिक अपाङ्गता भएका मतदाताका लागि छुट्टाछुट्टै लाइनको व्यवस्था हुने गरी मतदान केन्द्रको निर्माण भइरहेको निर्वाचन आयोगले जनाएको छ । अाजकाे गाेरखापत्रमा भउचप्रसाद यादवले समाचार लेखेका छन् ।

पहिलाे चरणमा ३२ जिल्लाका ३७ प्रतिनिधिसभा र ७४ प्रदेशसभाका लागि मङ्सिर १० गते निर्वाचन हुँदैछ ।

मतदानका लागि आवश्यक पर्ने मतपत्र, मतपेटिका, स्वस्तिक छाप, नङमा लगाउने मसीलगायत ६७ प्रकारका निर्वाचन सामग्री सबै मतदान केन्द्रमा पुगिसकेको बताउँदै प्रवक्ता ढकालले पहिलो चरणको निर्वाचन अन्तर्गत दुई हजार ९१९ मतदान स्थलको चार हजार ४६५ मतदान केन्द्रमा ३१ लाख ९१ हजार ९४५ मतदाताले मतदान गर्नु हुने जानकारी दिए।  प्रवक्ता ढकालका अनुसार पहिलो चरणको निर्वाचनमा प्रतिनिधिसभाका लागि १६ जना महिलासहित २८२ जना र प्रदेशसभाका लागि बीसजना महिलासहित ४२० जना उम्मेदवार चुनावी मैदानमा छन् ।  यसरी पहिलो चरणको निर्वाचनमा प्रतिनिधिसभा र प्रदेशसभा गरी ७०२ जना उम्मेदवार चुनावी मैदानमा छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी

अध्यक्ष मल्लको पहलमा जलजलामा भित्रियो करोडौ बजेट

शिक्षा र स्वास्थ्य क्षेत्रलाई प्रविधिमैत्री बनाउन जलजलाले बाड्यो कम्प्युटर र ल्यापटप

जलजलाका उद्यमीका लागि आयोजित उद्घोषण तथा क्षमता अभिबृद्धि तालिम सम्पन्न




About Sarathi news
Description goes here
NEPAL OFFICE

Address 1
Kathmandu, Nepal

977-0000000000