भगवान बनेर आयो कांग्रेस, राजिव शाहसँग कम्युनिष्टहरू ‘फायर’

जाजरकोट, कार्तिक २७–जाजरकोट जिल्लामा नेपाली कांग्रेसका प्रतिनिधी सभाका उम्मेदवार राजिवविक्रम शाहले रक्तश्रावबाट पीडित चन्द्रादेवी रोका मगरलाई उपचारका लागि उद्धार गरेर ज्यान बचाइदिएका छन् । कुशेगाउपालिका ८, रिजापहाडाकी ३० वर्षीया रोकालाई शाहले हेलिकप्टर मगाएर नेपालगञ्ज उपचारका लागि पठाएका हुन् । शाहका कारण सुत्केरी रोकाको ज्यान बचेको छ । रोकालाई १८ घण्टासम्मको लगातार रक्तश्राव भएको थियो ।

सुत्केरी रोका ९ दिनअघि दुर्गम गाउँ रिजापहाडास्थित घरमै असुरक्षित रुपमा बच्चा जन्माएकी थिइन् । कांग्रेसका उम्मेदवार शाह रोकाका लागि भगवान बनेको आफन्तले बताएका छन् । कांग्रेसका उम्मेदवार शाहले ५ लाख निजी खर्चमा सुत्केरीको उद्धार गर्न हेलिकप्टर उपलब्ध गरेको कुशे गाउँपालिकाका अध्यक्ष हरिचन्द्र बस्नेतले जानकारी दिए ।

चुनावी अभियानको क्रममा रिजापहाडादेखि २५ कोश टाढाको जुनीचादे गाउँपालिकामा रहेका शाहलाई फोनमार्फत सुत्केरी रोकाको उच्च रक्तश्रावबाट ज्यान जान लागेको खबर गरिएको थियो । समाजसेवी शाहले तत्काल हेलिकप्टरको ब्यबस्था नगरेको भए सुत्केरीको ज्यान जाने बस्नेतले बताए ।

जाजरकोटमा २०६६ सालमा फैलिएको झाडापखाला र २०७२ सालमा फैलिएको स्वाइनफ्लुको समयमा औषाधि सहित काठमाडौंबाट आफ्नै खर्चमा हेलिकप्टरमा विशेषज्ञ सहित डाक्टरहरूको टोली ल्याएर कांग्रेसका नेता शाह आफै गाउँ–गाउँमा पुगेर सर्वसाधारणको उपचार गरेका थिए । शाहले २०७१ मंसिर र २०७३ फागुनमा भएको बस दुर्घटनामा घाइते भएकाहरूलाई आफ्नै खर्चमा हेलिकप्टरमा लिएर नेपालगञ्ज लगायतका ठाउँमा उपचार गराएका थिए ।

गाउँमा राम्रो स्वास्थ्य संस्था नहुँदा बेला–बेलामा जाजरकोटी जनताले धेरै दुःख पाएको भन्दै सांसद शाहले व्यक्तिगत ५ करोड रुपियाँको लगानीमा कुमारी ट्रस्टमार्फत २५ शैयाको अस्पताल निर्माण सुरु गरेका छन् । छेडागाड नगरपालिका ५ थलबजारमा निर्माण हुन लागको अस्पतालबाट जाजरकोटी जनताले सेवा लिन सहजा हुने शाहको विश्वास छ । यो अस्पताल निर्माण भएमा जटिल प्रकारका अप्रेशनदेखि सामान्य रोगको उपचार सेवा पाउने विश्वास छ ।

यसैबीच, नेपाली कांग्रेस जाजरकोटबाट प्रतिनिधी सभाको उम्मेदवार बनेका शाहले सुत्केरीको ज्यान बचाएपछि एमाले र माओवादी केन्द्रले त्यसलाई राजनीतिकरण गर्ने प्रयास गरेका छन् । उनीहरूले निर्वाचनमा हेलिकप्टर ल्याएर सुत्केरीको ज्यान बचाएर मतदातालाई प्रभावित बनाएको भन्दै आक्रोश जनाएका हुन् । रिपब्लिका दैनिक डटकमबाट

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000