प्रचण्ड र ओलीबिच चिसियो सम्बन्ध, गठबन्धन धरापमा, एक्लै बहुमत पु¥याउने र माओबादीलाई मिल्काउने यस्तो छ एमाले दाउ

पर्वत, कार्तिक २६–मंसिर ९ गते एमाले र माओवादी केन्द्रबीच पार्टी एकीकरण हुने समाचार बाहिर आएका बेला केपी ओली र पुष्पकमल दाहाल ‘प्रचण्ड’ले विवादास्पद अभिव्यक्ति दिएका छन् ।

माओवादीका अध्यक्ष प्रचण्डले ओलीमाथि आविश्वास जनाउँदै पूर्वसहमति अनुसार आफू पहिला प्रधानमन्त्री बन्न पाउनुपर्ने अडान राखेका हुन् । चुनावी कार्यक्रम अन्तर्गत चितवन क्षेत्र नं. ३ मा रहेका प्रचण्डले आफू निकटका नेताहरूसँग केपी ओलीले माओवादीलाई फेरि धोका दिने खेल खेलेको आरोप लगाएका छन् ।

‘यसअघि पनि केपी ओलीले मलाई धोका दिएका हुन् । फेरि पनि धोका दिने षड्यन्त्र गर्दै गरेको गन्ध आएको छ’, प्रचण्डले आफू निकटका नेताहरूको आकस्मिक बैठक चितवनमा बोलाएर भने, ‘ओलीजीसँग निर्वाचनपछि कम्तिमा साढे दुई वर्ष मलाई प्रधानमन्त्री बनाउने सहमति भएको छ । साढे दुई वर्ष मेरो प्रधानमन्त्रीकाल सकिनै लाग्दा पार्टी एकीकरण गर्ने सहमति भएको छ । मैले सरकार छाड्नु केही दिन अगाडि ओलीजीलाई प्रधानमन्त्री दिने । एकीकृत पार्टीको अध्यक्ष म बन्ने सहमति भएको छ । तर, केपी ओलीका अभिव्यक्ति र कार्यशैलीले मलाई सशंकित बनाएको छ ।’

चितवनको आकस्मिक बैठकमा प्रचण्डले एमालेसँगको पार्टी एकीकरणको कुरा तुहिँदै गएको र निर्वाचन पनि आफ्ना उम्मेदवारहरूलाई सर्तकताका साथ अगाडि बढ्न निर्देशन दिएको उच्च स्रोतले जनाएको छ ।

ओलीले आफू अनुकूल हुने गरेर केही अनलाइन र दैनिक पत्रिकाहरूमा समाचार सम्प्रेषण गराएर धोकाको राजनीति गर्न लागेको आरोप प्रचण्डको छ । पार्टी एकीकरण गर्ने हो भने मंसिर ९ गते नै पार्टी एकीकरण गर्न कुनै समस्या छैन भन्ने बुझाइ माओवादीको छ । ओली चुनाव अगाडि कुनै पनि हालतमा पार्टी एकीकरण गर्ने पक्षमा छैनन् ।

ओलीले झापामा आइतबार बिहानै चुनावी कार्यक्रमलाई सम्बोधन गर्दै निर्वाचन अगाडि कुनै पनि हालतमा माओवादी केन्द्रसँग पार्टी एकीकरण नहुने अभिव्यक्ति दिएका थिए ।

ओलीको अभिव्यक्तिबाट प्रचण्ड सशंकति हुन पुगेका छन् । यदि ओलीले धोका दिएमा प्रचण्डले त्यसका विरुद्ध कठोर कदम चाल्ने योजना बनाएको स्रोतको भनाइ छ । प्रचण्डले आवश्यक परेमा निर्वाचन अगाडि वाम गठबन्धन तोडेर कांग्रेससँग सहकार्य गर्ने अवस्थामा रहेको पनि स्रोतले जनाएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000