बाम गठबन्धन कमिलाको प्वाख भएको काँग्रेसका केन्द्रीय सदस्य एवम् सांसद जोशीको टिप्पणी

 

पर्वत, असोज २१ नेपाली काँग्रेसका केन्द्रीय सदस्य एवम् सांसद अर्जुनप्रसाद जोशीले बाम गठबन्धनलाई कमिलाको प्वाखको संज्ञा दिएका छन् । काँग्रेस मोदी गाउँपालिकाद्वारा पातिचौरमा शनिबार आयोजित शुभकामना आदानप्रदान कार्यक्रममा बोल्दै जोशीले समय आएपछि त्यो प्वाख आफै खस्ने र बामगठबन्धन भताभुङ्ग हुने टिप्पणी गरे । विभिन्न तिकडम र आ–आफ्नै स्वार्थ जोडिएका दल एकठाउँमा आएको नाटक रचिएको मात्रै उनको दाबी छ । ‘आ–आफ्नै स्वार्थ र तिकडम जोडिएका दलले बाम गठबन्धनको नाममा नाटक रचेका छन, त्यो गठबन्धन होइन्, कमिलाको प्वाख हो’ नेता जोशीले भने–‘जब कमिलाको प्वाख समय आएपछि छुट्टिएर कमिला मर्छ, त्यसरी नै गठबन्धन भताभुङ्ग हुने दिन धेरै टाढा छैन ।’ बर्ग, जात, उद्देश्य मिल्ने शक्ति एक ठाउँमा आउनु अन्यथा नभएपनि विभिन्न तिकडम र स्वार्थअनुरुप आ–आफ्नै बाटोमा हिडेका पार्टी एकताको नाम दिनु रहस्यमय भएको बताए । उनले बामगठबन्धनले सबैभन्दा बढी नोक्सान एमाले र सबैभन्दा फाइदा कांग्रेसलाई गर्ने दाबी गरे । ‘निर्वाचनमा तालमेलको कुरा आएदेखि नै भित्रभित्रै तुष बाहिर आउन थालेका छन्’ उनले भने–‘तालमेल भएपनि सबै मत एकअर्का पार्टीलाई नजाने भएका कारण त्यसको फाइदा काँग्रेसलाई हुन्छ ।’ एमालेका अध्यक्ष केपी ओली र माओबादीका अध्यक्ष प्रचण्डले जनतालाई भेडाका रुपमा लिएको भन्दै जनताले उनीहरुको अधिनायकबाद र निरंकुशता बुझिसकेको बताए । उनले प्रतिनिधिसभा र प्रदेशसभा निर्वाचनमा काँग्रेसले तीनै सिट जित्ने दाबी गरे । कार्यक्रममा नेपाली काँग्रेस पर्वतका सभापति खिमप्रसाद भुसालले लोकतन्त्र बिरोधीको रुपमा बामगठबन्धन आएको भन्दै त्यसको सबै जनताले समयमै बुझ्नुपर्ने बताए । उनले निरंकुशताको जन्मभएजसरी बामगठबनधन बनेको भन्दै उनीहरुले भनेजस्तै भए कुनैदिन फेरी लोकतन्त्रका लागि सडकमा आउनुपर्ने दिन आउनसक्ने चेतावनी दिए । काँग्रेस पर्वतका सचिव बिश्वप्रकाश प्रसाई र युक्तप्रसाद श्रेष्ठले बामगठबन्धनले काँग्रेसको जीत सुनिश्चित गरेको भन्दै नेता कार्यकर्ता निर्वाचनमा जुट्न आग्रह गरे । काँग्रेस मोदी गाउँपालिकाका संयोजक जिवनाथ शर्माको अध्यक्षतामा भएको कार्यक्रममा महासमिति सदस्य मिना केसी, पूर्वमहासमिति सदस्य बलभद्र शर्मा, नेपाल पत्रकार महासंघ पर्वतका अध्यक्ष छविलाल तिवारी, काँग्रेस क्षेत्रीय सचिव सुमन तिवारी, मोदी गाउँपालिका वडा नम्बर १ का वडा अध्यक्ष गौबहादुर गुरुङ, मोदी–७ राम्जाका सभापति नारायण गौतम, महिला नेतृ बिन्दिु शर्मालगायतले बोलेका थिए । कार्यक्रमको सञ्चालन नेपाल बिद्यार्थी संघ पर्वतका नेता आरसी पौडेलले गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000