काँग्रेसमा टिकट लिन गायकदेखि पत्रकारसम्म, सबै दरखास्त केन्द्रमा

पर्वत – नेपाली काँग्रेस पर्वतले मंसिर २१ गते हुने प्रतिनिधिसभा र प्रदेशसभा सदस्यको उम्मेदवारको दाबी गर्ने सबैको नाम केन्द्रमा पठाएको छ । केन्द्रको परिपत्रअनुसार तीन÷तीन जनाको नाम छनौट गर्न नसकेपछि उम्मेदवारको दाबी प्रस्तुत गरेका सबै नाम केन्द्रमा पठाउने निर्णय गरेको काँग्रेस पर्वतका सचिव युक्तप्रसाद श्रेष्ठले बताए ।

जिल्ला समितिलाई असोज १७ गतेसम्म उम्मेदवारको नामावली सिफारिस गर्न केन्द्रीय समितिले परिपत्र गरेको थियो । पर्वत काँग्रेसले दुई दिन ढिला गरी बिहीबार केन्द्रीय समितिलाई उम्मेदवारको दाबी गरेका ६७ जनाकै नाम केन्द्रमा पठाएको छ । ‘जिल्लामा सहमति नभएपछि अब केन्द्रबाट जसले टिकट ल्याउँछ उसैलाई सबैले सहयोग गर्नेगरी सबै दरखास्त केन्द्रीय समितिमा पठाएका छौ’ सचिव श्रेष्ठले भने ।

केन्द्रीय समितिले प्रतिनिधिसभा सदस्य, प्रदेशसभा सदस्यतर्फ प्रत्यक्ष र समानुपातिकमा सम्भावित एक महिलासहित तीन÷तीन जनाको नाम सिफारिस गर्न निर्देशन दिएको थियो । तोकिएको भन्दा तीन गुणाबढी नेताले दाबी गरेपछि सहमति हुन नसकेको हो । केन्द्रले तोकेअनुसार नाम पठाउँदा प्रतिनिधिसभा र प्रदेशसभा गरी १८ जनाको नाम सिफारिस हुनुपर्ने थियो ।

सहमति नभएपछि दाबी प्रस्तुत गरेका ६७ जनाको नाम क्षेत्रीय समितिले जिल्ला समितिमा पठाएको थियो । पर्वतका दुई वटै क्षेत्रीय समितिले तीन÷तीन जनाको नाम छनौट गर्न नसकेपछि परेका सबै दरखास्त जिल्ला समितिमा पेश भएको र जिल्ला कार्य समितिमा पनि सहमति नभएपछि सबै जिम्मा केन्द्रीय समितिमा पुगेको सचिव श्रेष्ठले जानकारी दिए ।

पर्वत काँग्रेसबाट टिकट लिन लोकगायक बिमलराज क्षेत्रीदेखि पत्रकार रमेश पौडेल र सरस्वती शर्माले दाबी प्रस्तुत गरेका छन् । क्षेत्रीले प्रतिनिधिसभा सदस्यमा समानुपातिकतर्फ तथा पौडेल र शर्माले प्रदेशसभामा समानुपातिकबाट दाबी गरेका हुन । प्रतिनिधिसभा सदस्यमा प्रत्यक्षतर्फ केन्द्रीय सदस्य एवम् सांसद अर्जुनप्रसाद जोशी, पूर्वसांसद ऋषिकेश तिवारी, पार्टी सचिव विश्वप्रकाश प्रसाई, महासमिति सदस्य बसन्तबहादुर सिके र नेपाल ट्रेड युनियन काँग्रेसका केन्द्रीय उपमहासचिव ललितकला गुरुङले दरखास्त दिएका छन् ।

यसैगरी प्रदेशतर्फ पर्वत (क) मा केन्द्रीय सदस्य अर्जुनप्रसाद जोशी, नेताहरू युवराज जोशी, विद्धान गुरुङ, भवानीशंकर पौडेल, कृष्णबहादुर खत्री क्षेत्री, राम शर्मा पौडेल, विप्लवजंग हमाल, दुर्गाबहादुर खत्री क्षेत्री र चन्द्रकान्त पौडेलले दरखास्त दिएका छन् ।

प्रदेशसभा सदस्यमा पर्वत (ख) बाट प्रत्यक्षमा १५ जना नेताले दाबी गरेका छन् । जिल्ला सभापति खिमप्रसाद भुसाल, नेताहरू खगेन्द्रप्रसाद तिवारी, गंगाधर तिवारी, ऋषिकेश तिवारी, राजेन्द्र तिवारी, नवराज गुरुङ, परबिन गुरुङ, एकनारायण न्यौपाने, आनन्दप्रसाद भुसाल, अशोक उच्चै ठकुरी, मोहन गुरुङ, मुना भुसाल, राधाकुमारी कुँवर क्षेत्री र सुमन तिवारीले पार्टीबाट उम्मेदवार बन्न दरखास्त दिएका छन् ।

त्यसैगरी समानुपातिकतर्फ प्रतिनिधिसभा सदस्यमा लालकाजी गुरुङ, जसमति गुरुङ, खिमप्रसाद भुसाल, जितबहादुर सुनार, राधाकुमारी कुँवर क्षेत्रीले दरखास्त दिए । प्रदेशसभा सदस्यमा समानुपातिकतर्फ उम्मेदवारको दाबी गर्नेमा पर्वत क र ख मा ३० जना छन् ।

समानुपातिकतर्फ प्रदेशसभा सदस्यमा निर्मल विश्वकर्मा, कुलबहादुर पुन, बलभद्र शर्मा, डा.चुडामणी शर्मा, जोगमाया प्रसाई, चन्द्रबहादुर खत्री क्षेत्री, सोमबहादुर पुन, टिकाराम सुवेदी, मिनाकुमारी केसी, कुलप्रसाद उपाध्याय, नन्दबहादुर पुन, मिनबहादुर नेपाली, अञ्जली शर्मा, रुद्रलाल उपाध्यायले दरखास्त दिएका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000