हैसियत नभएपछि माओबादी एमालेमा समाहित हुन आएको हो ः एमाले नेता पोखरेल

दाङ, असोज १९–नेकपा एमालेका नेता शंकर पोखरेलले माओबादी केन्द्रसँगको तालमेललाई लिएर असन्तुष्टि जनाएका छन् । नेकपा एमाले र माओवादी केन्द्रबीच पार्टी एकताको लागि ६ बुँदे सहमतिको मसी सुक्न नपाउँदै भित्रभित्रै गुम्सिएको कुरा पोखरेलले आकल्दै माओबादी केन्द्र एमालेमा बिलय भएको टिप्पणी गरेका हुन ।
एकताको छ बुंदेमा दुबै पार्टीका नेताहरुले सार्वजनिक रुपमा एकअर्काबिरुद्ध अभिव्यक्ति नदिने उल्लेख भएपनि घोचपेच भने सुरु हुन थालेको छ । चुनावी अभियानको क्रममा गृहजिल्ला दाङ पुगेका पोखरेलले माओवादी केन्द्रसँग अर्को विकल्प नभएकाले एमालेमा मिसिन आएको दाबी गर्दै एमाले ठिक रहेको तर माओवादी केन्द्र विलय भएको प्रतिक्रिया दिए । ‘माओबादी हैसियत नभएपछि एमालेमा समाहित भएको हो’ दाङको घोराहीमा छलफल चौतारीले आयोजना गरेको एउटा कार्यक्रममा पोखरेलले भने–‘माओवादी केन्द्र आफ्नो सैद्धान्तिक तथा वैचारीक र व्यवहारीक मोर्चामा असफल भएपछि एकता प्रक्रियामा सहमत भएको छ ।’
कार्यक्रममा नेता पोखरेलले जनताको बहुदलिय जनवादको धरातलमा नै माओवादी आन्दोलनको रुपान्तरण भएको भनाई राखे । उनले माओवादी केन्द्रको हैसियत ४० प्रतिशत नभएको तर एमालेले छाती ठूलो पारेर दिएको दाबी गरे । ‘माओबादीलाई ४० प्रतिशत दिने उसको हैसियत नै छैन’ उनले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000