राजा महेन्द्रको मृत्युको भविष्यबाणी मिलाएका भण्डारीको निधन


पर्वत, असोज १९–पैंयूँ गाउँपालिका वडा नम्बर ४ हुवासको किक्रिकमा जन्मिएका प्रख्यात ज्योतिष कमलराज भण्डारीको निधन भएको छ । आयुर्वेद एवं ज्योतिष विद्याको क्षेत्रमा प्रसिद्धि कमाएका त्रिकालदर्शी आयुर्वेद ऋषि कमलानन्द सरस्वती महाराज (कमलराज भण्डारी) को मंगलबार रातीसाढे नौ बजे भरतपुर महानगरपालिका कृष्णपुरस्थित आफ्नै निवासमा निधन भएको हो । वि.सं. १९९२ बैशाखमा पिता गुरुप्रसाद र माता रम्जनतादेवि भण्डारीका कान्छा छोराको रूपमा जन्मिएका कमलानन्द सरस्वतीमा ज्योतिष फलादेशको क्षेत्रमा फरक क्षमता थियो । समय समयमा राष्ट्रिय तथा अन्तराष्ट्रिय भविष्यवाणी गरेर चर्चा आउने गरेका उनी राजा महेन्द्रको मृत्युको भविष्यवाणी गर्दा केही दिन जेल परेका थिए । उनले बेलायतकी तत्कालिन राजकुमारी डायनाको दुर्घटनामा मृत्यु हुने भबिष्यबाणी समेत मिलाएका थिए । त्यो घटनापछि कमलानन्दले अन्तराष्ट्रियस्तरमै चर्चा बटुलेका थिए । २०५१ सालमा तत्कालिन प्रधानमन्त्री गिरीजाप्रसाद कोइरालालाई मध्यावधी नगर्न सल्लाह दिएका थिए । सो सल्लाह नमान्दा नेपाली काँग्रेसले पराजय भोग्नु परेको थियो । यस्ता भविष्यवाणी उनले धेरै गर्दै आएका थिए । ज्योतिष फलादेशको क्षेत्रमा पृथक खुबी भएका उनलाई विलक्षण ज्योतिष प्रतिभाको कदर गर्दै संपूणानन्द विश्वविद्यालयमा भएको अन्तराष्ट्रिय ज्योतिष महासम्मेलनले त्रिकालदर्शीको उपाधिले विभूषित गरेको थियो । यसैगरी उनमा भएको आयुर्वेद उपचारको उत्कृष्ट ज्ञान एवं सेवाको कदर गर्दै नेपाल आयुर्वेदीय संस्थाले आयुर्वेद ऋषिको उपाधिबाट विभूषित गरेको थियो । स्व. कमलानन्द सरस्वतीका दुई श्रीमती, पाँच छोरा, दुई छोरी छन् । जेठा छोरा रुद्रप्रासद अद्वैत सत्सङ्गी छन् भने माइला छोरा स्वामी दुर्गादास शब्द चिन्तन दर्शनका प्रधान संरक्षक छन् । स्व. कमलानन्द सरस्वतीलाई केही वर्ष यता मधुमेहको रोगले गालेको थियो । उनको निधनले पर्वतको पैंयूँखोलाले नै एउटा अदभुत क्षमता भएको ब्यक्ति गुमाएको भन्दै त्यसक्षेत्रका बासिन्दाले दुःख ब्यक्त गरेका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000