पर्वतमा जडान गरिएका सिसि क्यामरा बिग्रीयो, तर मर्मत भएन ?

पर्वत, भदौ २४ –कुश्मा बजारमा जडान गरिएका सिसि क्यामरा विग्रिएर काम गर्न छोडेका छन् । बजार क्षेत्रमा जडान गरिएका २५ वटा सिसी क्यामरा मध्ये १३ वटा सिसी क्यामरा विग्रिएर काम गर्न छोडेका हुन् ।

बजारमा हुन सक्ने चोरीका घटनाहरुलाई न्यूनीकरण गर्ने उद्देश्यले  दुई बर्ष अघि कुश्मा बजारमा सिसि क्यामरा जडान गरिएको थियो । निजि क्षेत्रको लगानीमा जडान गरिएका सिसि क्यामराहरुको रेखदेख र व्यवस्थापन नहुँदा विग्रिएका हुन् । कुश्माको प्रगती चोक, बान्दे्रवेणी चौर लगायतका स्थानमा जडान गरिएका सिसि क्यामेराले काम गर्न छोडेको प्रहरीले जनाएको छ ।

सिसि क्यामरा जडान गर्ने तर त्यसको रेखदेख एंव व्यवस्थापनमा सम्वन्धित निकायले चासो नदिँदा काम गर्न छोडेको स्थानियवासीको भनाई छ ।  सिसि क्यामरा जडान भएपछि बढ्दो अपराधका घटना नियन्त्रण गर्न केही सहज भएको थियो । नगरको सुरक्षाका लागि २४ सै घण्टा क्यामराको निगरानी रहेको थियो । प्रहरी नियन्त्रण कक्षमै दृश्य हेरेर नगरको गतिविधीलाई प्रहरीले निगरानी गदै आएको थियो । तर, सिसि क्यामराहरु धमाधम विग्रिन थालेपछि अहिले प्रहरीलाई समेत समस्या भएको छ । अर्कोतिर सडकमा सडक बत्ती तथा सोलार नहुँदा जडान गरिएका क्यामराहरु रातको समयमा प्रयोग विहिन जस्तै भएका छन् ।

नागरिकहरुलाई सुरक्षा प्रदान गर्ने उद्देश्यले जडान गरिएका सिसी क्यामरा रातको समयमा काम नलाग्ने भएपछि नागरिकहरुले असुरक्षाको महासुस गरेका छन् ।  सडकमा सडक बत्ती तथा सोलार नहुँदा प्रहरीलाई समेत समस्या भएको जिल्ला प्रहरी कार्यालय पर्वतका प्रहरी निरिक्षक लिलाराज लामिछानेले बताउनु भयो । रातको समयमा सिसि क्यामरामा केही दृश्य देखिदैन लामिछानेले भन्नुभयो,‘यसको मर्मत तथा व्यवस्थापनमा सम्वन्धित निकायले चासो दिनु जरुरी छ’ । जिल्लामा जडान भएका सिसि क्यामराहरुले काम गर्न छाडेको महिनौ हुँदा त्यसलाई सुचारु गराउन कुनै निकायले चासो देखाएको छैन ।

त्यस्तै जिल्लाको वरिबेनी र डिमुवामा जडान गरिएका सिसि क्यामराहरुले पनि दिनको समयमा काम गरेपनि रातको समस्यामा उज्यालोको अभावले समस्या भएको प्रहरीको भनाई छ

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000