अधिकाँश कच्ची सडक अबरुद्ध, जनजीवन कष्टकर

पर्वत, साउन १५–बर्षाले यहाँका अधिकांश कच्ची सडक अबरुद्ध भएका छन् । पर्वतको पोखरा–बागलुङ राजमार्गको पर्वत खण्ड, मालढुंगा–बेनी, कुश्मा–दुर्लुङ, कुश्मा–बनौ, मिलनचोक–मल्लाज, दोविल्ला–फलेबासलगायत केही सडक चलेपनि अधिकांश कच्ची सडक ठप्प भएका छन् । ग्रामिण कच्ची सडकका कारण सदरमुकाम कुश्मा आवतजावतका लागि सहज भएका स्थानीय बर्षापछि ती सडक अबरुद्ध भएपछि बिलखबन्दमा परेका छन् ।
सडकमा सवारी नचल्दा ग्रामिण भेगमा उत्पादन भएका दुध तथा तरकारीजस्ता कृषिजन्य बस्तु बजारसम्म पु¥याउन हम्मेहम्मे परेको छ । फलेबासदेखि महाशिला, पैंयूँ र बिहादीसम्मको सडक नछिमोलिदा पैंयूँ र बिहादी गाउँपालिकाका सर्वसाधारण सदरमुकाम आवतजावतका लागि स्याङ्जा र पोखरा परिक्रमा गर्नुपर्ने बाध्यता छ । दुई जिल्ला घुमेर सदरमुकाम कुश्मा पुग्दा झण्डै ९८ किलोमिटर दुरी बढी यात्रा गर्नुपर्ने बाध्यता भएको पैंयूँ–४ हुवासका ओमप्रसाद बस्यालले जानकारी दिए ।
‘सदरमुकाम आउन दुई जिल्ला काटेर ९८ किलोमिटर बढी यात्रा गर्नुपर्ने बाध्यता सबैभन्दा ठुलो दुर्भाग्यको बिषय हो’ उनले नागरिकसँग भने । हुवासको हातेमालोचोकबाट कुश्मासम्मको दुरी जम्मा ४६ किलोमिटर रहेको छ । तर, हुवासबाट सिधा यातायात बर्षाका कारण सडक बिग्रेर अबरुद्ध हुँदा अहिले एक सय ४४ किलोमिटर दुरी यात्रा गरेपछि मात्रै कुश्मा पुग्नुपर्ने बाध्यता छ ।
साविकको जिल्ला विकास समितिले दशकदेखि नै मुख्य–मुख्य सडकमा बाह्रै महिना यातायात सञ्चालन गर्ने दाबी गर्दै आएपनि बर्षामा अहिलेपनि सर्बसाधारणले कष्टकर जिवन बिताउनुपर्ने अवस्था छ । बिहादीका स्थानीयलाई सवारीसाधनमार्फ कुश्मा आउदा थप सात किलोमिटर बढी यात्रा गर्नुपर्ने हुन्छ । फलेबासबाट कुश्मा आउदा समेत बिहादीको बर्राचौर, रानीपानी, वहाकी, शालिग्रामका बासिन्दालाई चार घण्टा पैदल हिँड्न्पर्ने समस्या छ ।
‘हामीले साविकको जिल्ला विकास समितिलगायत विकासे अड्डालाई धेरै पटक मुख्य–मुख्य सडकलाई बर्षाको समयमा पनि सवारी साधन सञ्चालन हुने वातावरण मिलाउनुपर्छ भनेर आग्रह ग¥यौ तर सुनुवाई नै भएन’ बिहादी–२ बर्राचौरका गोबिन्द पराजुलीले भने । उनले आफुहरु कुश्मा बस चढेर आउदा दिनै जाने बताए । ‘बस चढेर पोखरा हुँदै कुश्मा पुग्न दिनै जान्छ, हिँडेर फलेबास पुग्न चार घण्टा पैदल कस्सिनुपर्छ’ उनले भने ।
त्यतिमात्रै होइन, महाशिला गाउँपालिकाको लुंखुसम्म पोखराबाट नियमित बस चलेपनि उक्त गाउँपालिकाको अधिकांश वडामा सवारी पुग्न छाडेको छ । महाशिला गाउँपालिकाको लुंखु, पाखापानी, फलामखानी, बालाकोट, भोक्सिङका बासिन्दा स्याङ्जा हुँदै पोखरा छिरेर कुश्मा आउने गर्छन् । ‘गाउँपालिकाको केन्द्रसम्म समेत यातायातका साधन बन्द हुँदा निकै सास्ती भएको छ’ महाशिला गाउँपालिकाको कार्यालयका लेखापाल टुकनाथ रेग्मीले भने ।
यता भुकताङ्ले, देउराली, क्याङ, शालिजा, लेखफाँट, बासखर्क जाने सडकहरु पनि अबरुद्ध भएका छन् । कुश्मा नगरपालिका–१४ आर्थर, वडा नम्बर १३ खौलालाकुरी जाने सडक समेत बिग्रेर सवारी चलेको छैन । साविकको जिल्ला विकास समितिले साविकका गाविस कार्यालय जोड्ने मुख्य सडकलाई बर्षाको समयमा समेत सञ्चालन गर्ने भन्दै दशकअघि नै तयारी गरेको जनाएको थियो । तर, अहिलेसम्म पनि त्यो पुरा नहुँदा ग्रामिण भेगमा बस्ने बासिन्दाले सास्ती पाउन छाडेका छैनन् । असारको पहिलो सातासम्म धेरै कच्ची सडक चलेपनि अहिले प्रायः ठप्प अवस्थामा छन् ।
बर्षा रोकिएमा असोजको पहिलो साता मात्रै ती सडकहरु मर्मतपछि सञ्चालन हुनेछन् । सवारी साधन नचल्दा बढी मात्रामा ग्रामिण भेगमा कृषि उत्पादक किसानहरु मारमा परेका छन् । फलेबास–७ की शोभा क्षेत्रीले सडक नचल्दा सहकारीले उत्पादन गरेको दुध सदरमुकाम कुश्मा पु¥याउन नपाएको चिन्ता जनाइन् ।
दुई सय गाईभैसीबाट उत्पादित पाँच सय लिटर दुध कुश्मा पु¥याउन नपाएको उनले गुनासो गरिन् । ‘दैनिक पाँच सय लिटर दुध जिपमार्फत पु¥याउदै आएका थियौ तर अहिले जीप गुडाउनेजस्तो सडकै छैन’ चिसापानी दुग्ध उत्पादक कृषि सहकारीका सचिव समेत रहेकी क्षेत्रीले भनिन् ।
त्यहाँ सहकारीका ३५ जना किसानले सहकारीमार्फत दुध उत्पादन गरेर कुश्माबजार पु¥याउदै आएका थिए । जिल्ला समन्वय समिति, साविकका गाउँ विकास समिति र सांसद क्षेत्र पूर्वाधार विकास कार्यक्रमको अधिकांश बजेट सडकमा बर्षेनी लगानी भएपनि बर्षामा यातायातको साधनबाट बञ्चित हुनु दुःखद भएको बस्यालले बताए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

रेल रोकिएको रोकियै

अर्काको भलो गर्दा यसरी फसाउन खोजियो मल्ललाई

एमालेमा एकताको ढोका बन्द, विद्रोहको तयारी

इटहरीका मेयर चौधरीले सेवाग्राहीलाई कार्यालयमै थुने

एमसीसीमा सभामुख नै अनिच्छुक, संसद्मा अघि नबढाउने संकेत




About Sarathi news
Description goes here
NEPAL OFFICE

Address 1
Kathmandu, Nepal

977-0000000000