मन्त्रिपरिषद बिस्तार हुँदै, पर्वतले पहिलो मन्त्रीका रुपमा जोशीलाई पाउदै


पर्वत, साउन १०–प्रधानमन्त्री शेरबहादुर देउवाले आज मन्त्रिपरिषद बिस्तार गर्ने भएका छन् । काँग्रेसबाट हुने मन्त्रीहरुको अन्तिम नामावली तयार गर्दै देउवाले आजै मन्त्रीपरिषद बिस्तार गर्न लागेका हुन । देउवाले पर्वतबाट तीन पटक निर्वाचन जितेका अर्जुनप्रसाद जोशीलाई मन्त्री बनाउने तयारी गरेका छन् ।
२०४६ सालको परिवर्तन यता नेपाली काँग्रेस, नेकपा एमाले, माओबादी, राप्रपालगायत दलका नेताको नेतृत्वमा थुप्रै सरकार बने पनि पर्वत जिल्लाबाट मन्त्री बन्ने जोशी पहिलो हुनेछन् । देउवाले काँग्रेस केन्द्रीय सदस्य जोशीसँगै मीन विश्वकर्मा, विरबहादुर बलायर, अम्बिका बस्नेत, बलबहादुर केसी, रामकृष्ण यादव, राजन केसी, भिमसेनदास प्रधान र मोहनबहादुर बस्नेत काँग्रेसबाट मन्त्री हुने भएका छन् ।
त्यस्तै काँग्रेसबाट कमला पन्त र सरिता प्रसाई मध्ये एकजना मन्त्री हुनेछन् । त्यस्तै एमाओबादी केन्द्रबाट गिरिराजमणी पोखरेल, महेन्द्रबहादुर शाही, आशा खनाल, टेकबहादुर बस्नेत, सिता नेपालीलगायत मन्त्री हुने भएका छन् ।
नेपाली काँग्रेसका नेता अर्जुनप्रसाद जोशी १६ बर्ष नेपाली काँग्रेस पर्वतको पार्टी सभापति भए । तीन कार्यकाल पार्टीको केन्द्रीय सदस्य । २०५६ सालको प्रतिनिधि सभा निर्वाचनमा पर्वत–१ बाट बिजयी भएका जोशी २०६४ र २०७० सालको संविधानसभा निर्वाचनमा समेत लोभलाग्दो मत ल्याएर बिजयी भए ।
२०६४ सालको पहिलो संविधानसभा निर्वाचनमा धेरै जिल्लामा काँग्रेस एमालेका प्रभावशाली र शिर्ष नेताहरु पराजित हुदा समेत जोशीले पर्वत–१ मा राम्रो मतसहित बिजयीको झण्डा गाडेका थिए । नेतृत्वको चाकडी र चाप्लुसीमा विश्वास नगर्ने जोशीलाई तीन÷तीन पटक जनताबाट अनुमोदन हुदा पनि काँग्रेस नेतृत्वले मन्त्री पद पत्याउन सकेको थिएन । अहिले देउवालाई नै सहयोग गरेका कारण मात्रै उनी केन्द्रीय सदस्यमा हार्नुपरेको थियो । यसपटकको मन्त्रीपरिषद बिस्तारका क्रममा देउवाले जोशीलाई न्याय गर्न लागेका हुन ।
पुष्पकमल दाहाल नेतृत्वको सरकारमा मन्त्री बनाउने देउवाले प्रस्ताव गरेपनि पार्टीको केन्द्रीय सदस्यमा मनोनित मागेर मन्त्री पद त्यागेका जोशीलाई देउवाले यसपटक मन्त्री बनाउन लागेका हुन । जोशीलाई मन्त्री बनाउने देउवाले अन्तिम नामलिष्ट तयार गरेपछि पर्वतमा काँग्रेस कार्यकर्ताले खुशी भएका छन् ।
नेपाली काँग्रेसभित्र लगातार चुनाव जित्नेमध्ये नेता जोशी, पार्टी सभापति शेरबहादुर देउवा र बरिष्ठ नेता रामचन्द्र पौडेल पर्छन । आफु हारेर पनि शेरबहादुर देउवालाई पार्टी सभापतिमा बिजयी बनाउन महत्वपूर्ण भुमिका खेलेका जोशीलाई देउवाले केन्द्रीय सदस्यमा मनोनित गरेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000