नदीमा शव भेटियो, शिक्षक बेपत्ता घटना रहस्यमय बन्दै

पर्वत, असार ७–कालीगण्डकी नदीमा तीन दिनअघि भेटिएको शव कुश्मा–१ पाङका नारायण पौडेलको भएको परिवारले दाबी गरेको छ । दुई सातादेखि बेपत्ता २० बर्षिय पौडेलको परिवारले घाटीमा लगाएको गोलीको माला र जनैको आधारमा शव नारायण पौडेलकै भएको दाबी गरेको हो ।
जेठ २५ गतेदेखि सम्पर्कबिहिन भएका उनी कुश्मा नगरपालिका–९ कटुवाचौपारीस्थित आइबल एकेडेमीमा अध्यापन गराउदै आएका थिए । शरिरमा कुनै कपडा नभएको र अनुहार पनि नचिनिने भएका कारण शतप्रतिशत पुष्टि नभएपनि नारायणका बाबुले भने छोराकै शव भएको दाबी गरेको प्रहरी नायव उपरीक्षक शेखर खनालले बताए ।
‘बेपत्ता भएका शिक्षकका बाबुले शव हेरेर घाटीको मालाका आधारमा छोराकै भएको दाबी गरेका छन तर हामीले शतप्रतिशत उनकै शव भनेर पुष्टि गर्न सकेका छैनौ’ खनालले भने । शव नजिनिने अवस्थामा भेटिएको छ । परिवारले नारायणकै शव भएको दाबी गरेपनि प्रहरीले डिएनए परिक्षणपछि मात्रै पत्ता लाग्ने बताएको छ । शवलाई प्रहरीले परिवारको परामर्शमा काठमाडौ पठाउने तयारी गरेको छ ।
कुश्मा–१ पाङ घर भएका पौडेल कुश्मा–५ मेलमिलापचोकमा भाडामा बस्दै आएका थिए । पौडेल बेपत्ता भएपछि उनी बस्ने कोठामा खाना पकाउने तयारी र लुगा धुनका लागि भिजाएको भेटिएको प्रहरीले जनाएको थियो । तीन छोरामध्ये उनी परिवारका माइला हुन ।
शिक्षक बेपत्ता भएपछि घटना रहस्यमय बनेको छ । प्रहरीले उक्त शव बेपत्ता पौडेलकै भएपनि आत्महत्या वा हत्या भन्ने बिषयमा अनुसन्धान थालेको जनाएको छ । ‘शव बेपत्ता भएका पौडेलको हो वा होइन, हो भने कसरी मृत्यु भयो भन्ने बिषयमा सुक्ष्म रुपमा अनुसन्धान थालेका छौ’ खनालले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000