भिलेनको रोल गर्ने इच्छा छ: अनिता आचार्य

काठमाडौंको मैतिदेवीमा जन्मिएकी अनिता आचार्य चलचित्र सरी ल बाट रजतपटमा प्रबेश गरेकी छिन् । पुख्र्यौली घर धुलीखेल भएकी अनिता अहिले वीवीएस थर्ड इयरमा अध्ययनरत छिन् । जोय ग्ल्यामर हण्ट २०१३ को बिजेता समेत रहेकी अनितालाई पछिल्लो समय रजतपटमा सम्भावना बोकेकी कलाकारको रुपमा हेर्ने गरिएको छ । पहिलो चलचित्र रिलिज नहुँदै अर्को चलचित्र अलवीदामा काम गरिसकेकी थिइन् उनले । उनी अभिनित पहिलो चलचित्र सरी ल यतिबेला नेपालभरका सिनेमा घरहरुमा प्रदर्शन भइरहेको छ । यसै सन्दर्भमा अनितासँग गरिएको कुराकानी यहा प्रस्तुत गरेका छौं

तपाई अभिनित चलचित्र सरी ल हलहरुमा चलिरहेको छ । कस्तो प्रतिक्रिया पाउनु भएको छ चलचित्र बाट ?

चलचित्र हेर्नुभएको दर्शकहरुले मन परेको प्रतिक्रिया दिइरहनु भएको छ । चलचित्रका कलाकार द्धय सुवास थापा र राजन खतिवडाको कामको प्रसंसा सबैले गर्नुभएको छ । पहिलो चलचित्र भए पनि दर्शकहरुले मेरो काम पनि रुचाएको पाएको छु ।

पहिलो चलचित्र प्रदर्शन भैरहदा तपाई स्वयंलाई आफ्नो काम कस्तो लागिरहेको छ ?

मैले त आफ्नो ठाउँबाट शत प्रतिशत मेहनत गरेको थिए । शुटिङको क्रममा पनि सानो सानो कमजोरी पनि नहोस् भनेर बिषेस ध्यान दिएको थिए । तर पनि अहिले हलहरुमा हेर्दा आफूलाईनै धेरै सुधार गर्नुपर्ने देखे । चलचित्रमा काम गरेपछि अझ धेरै सिक्नुपर्ने, अझ मेहनत गर्नुपर्छ भन्ने फिल हुँदो रहेछ ।

भनेपछि पहिला अरुको चलचित्र हेर्दा अभिनय गर्न जति सहज होला भन्ने लागेको थियो, आफूनै अभिनय गर्दा त्यति सहज पाउनुभएन ?

शुरुमा चलचित्र खेल्ने भनेको हास्ने, नाच्ने, रुने र गाउने त हो नी जस्तो लाग्थ्यो मलाई । तर म एकदम गलत रहेछु । यहाँ त एकदम मेहनत गर्नुपर्ने रहेछ । यो क्षेत्रमा सफलता हात पार्न धेरै मेहनत गर्नुपर्ने रहेछ । बाहिर बाट हेर्दा जुन प्रकारले सहज लाग्छ यहाँ प्रबेश गरेपछि सोचे जस्तो सजिलो छैन ।

शुरुका दिनहरुमा तपाईले चलचित्र क्षेत्र राम्रो लाग्दैन भन्नुभएको थियो नि ?

चलचित्र क्षेत्र मनै नपराउने, यो क्षेत्रमा जानै नचाहने भन्ने कुरा मैले कतैपनि गरेको छैन । तपाईले भनेजस्ता कुरा मैले पनि सुन्दै आएको छु कि अनिताले यो क्षेत्र नराम्रो, यो क्षेत्रमा लागेर गरी खानु छैन भनि भनेर । तर मैले त्यसो भन्न खोजेकै होइन । सुन्नेले गलत अर्थ लगाइदिनुभयो । मैले भनेको के हो भने म यसै पनि ब्यस्थ छु । विहान कलेज जानु पर्छ, पढ्नु पर्छ, त्यसपछि अफिस जानु पर्छ, यसको बाबजुत चलचित्रमा काम गर्न समय छुट्ट्याउन समस्या हुने कुरा गरेको थिए । चलचित्रमा अनुबन्धीत भैसकेपछि साझ बिहान, दिउसो जुन सुकै समय दिनुपर्ने हुन्छ । यो हिसाबले चलचित्रमै जिम्मेबारी निभाउन सक्दिनकी भनेर पढाई नसकिदा सम्म यो क्षेत्रमा समय दिन सक्दिन भन्ने सन्दर्भमा कुरा गरेको हो । यहाँनेर मेरो भनाई र बहाँको बुझाइमा तालमेल नमिल्दा यस्ता कुराहरु आए ।

निर्देशक ऋषि लामिछानेले त तपाईलाई नेपालकै सुन्दर युवती भन्नु भयो । तपाईलाई आफ्नो सौंन्दर्यता कस्तो लाग्छ ?

हरेक ब्याक्तिको कुनैपनि बस्तुलाई हेर्ने दृष्टीकोण आ आफ्नै प्रकारको हुन्छ । कतिले मलाई सुन्दर देख्नुहुन्छ, कतिले अनिता राम्री छैन, घमण्डी छ, उसले गरेको काम राम्रो छैन भन्नुहुन्छ । जहाँसम्म ऋषि दाईको कुरा छ वहाँले मेरो काम र इमान्दारीतालाई जोडेर राम्रो भन्न खोज्नुभएको हो । जो जसलाई मेरो बारेमा थाहा छैन, म सँग घुलमिल हुनुभएको छैन वहाँहरुको मलाई हेर्ने धारणा फरक हुन सक्छ, तर जो मसँग घुलमिल हुनुभएको छ वहाँहरु मेरो ब्यबहार र कामबाट प्रभाबित हुने गरेको पाएको छु ।

आफ्नो शरिरलाई मेन्टेन कसरी गर्ने गर्नुभएको छ ?

शरिरलाई मेन्टेन गर्नकै लागि भनेर बिशेष कुनैपनि योगा, कसरत या अन्य क्रियाकलाप गर्ने गरेको छैन । मेरो ब्यस्थताले नै मलाई मेन्टेन गरिरहेको छ । विहान कलेज जाने दिउसो अफिस जाने चलचित्रको शुटिङ लगायतको कामको चापले नै मेरो शरिरलाई मेन्टेन गरिरहेको छ ।

सरी ल शुटिङगर्दै गर्दा तपाईले चलचित्र यस्तो बन्छ होला भनेर जुन कल्पना गर्नुभएको थियो,पछि पर्दामा हेर्दा केही फरक पाउनुभयो ? सोचे भन्दा राम्रो भयो या सोचे जस्तो भएन ?

यो मेरो पहिलो चलचित्र भएकोले निर्माण बिधी सम्बन्धि मलाई त्यति धेरै ज्ञान थिएन । त्यसैले मैले यस्तै बन्छ भन्ने आकृती देखेको थिइन । तर चलचित्र हेर्ने दर्शकको प्रतिक्रिया चाहि मेरो भूमिका अलि छोटो भयो भन्ने थियो । तर यो भन्दा लामो भूमिका भएको भए मैले गनै सक्ने थिइन होला । शुटिङको क्रममा जुन रुपले मेहनत गरेका थियौं अहिले त्यहि अनुरुप चलचित्र राम्रो बनेको पाएको छु ।

अब कस्तो किसिमको चलचित्र गर्ने इच्छा छ तपाईको ? कुनै ड्रिम रोल गर्ने इच्छा भए बताइदिनुस् न ?

मलाई भिलेनको रोलगर्ने मन छ । हुन त मैले पहिला कहिल्यैं सोचेको थिइन की म कला क्षेत्रमा लाग्छु भनेर । तर पहिल्यै देखि चलचित्र हेर्दा जस्ले नेगेटिभ रोल गरेको छ उसको क्यारेक्टर मन पथ्र्यो मलाई । अहिले चलचित्रको बारेमा बुझेपछि पनि मलाई के लाग्छ भने जति मेहनत भिलेनले गर्नुहुन्छ , त्यति मेहनत नायक वा नायीकाले गर्नुहुँदैन । तर नेपालको सन्दर्भमा नेगेटिभ भूमिकामा रहेको पात्रलाई नै लिड रोल दिएर कमै चलचित्र बन्ने गरेका छन् ।

पहिलो चलचित्र रिलिज नहुँदै अर्को चलचित्रमा काम गरिसक्नुभयो । कस्तो भयो दोश्रो चलचित्र अलविदाको काम ?

अलविदामा मुस्लीम क्यारेक्टर छ मेरो । जातियताको बिषयमा बनेको चलचित्र हो यो । यसमा पनि मेरो सिम्पल क्यारेक्टर छ । मसालेदार चलचित्र भएकोले एक्सन, रोमान्स र झिलीमिली बढी छ यसमा ।

दूईवटा चलचित्रमा काम गरिसकेपछि कस्तो लाग्यो त यो क्षेत्र ?

काम गर्दै जादा यहि क्षेत्रमा झुकाब बढेको छ मेरो । स्क्रीप्ट मन परेका चलचित्रमा समय मिलेसम्म काम गर्ने चाहना छ । यो क्षेत्रमा लागेपछि समाजले पनि सम्मान गर्ने रहेछ । तर यो क्षेत्रमा लागेकाहरुको कुरा काट्नेहरु पनि धेरै नै हुन्छन् । मेरो मात्र हाइन सबैजनाको त्यस्तै पाउँछु म । तर आफू सकारात्मक सोचका साथ काम गरेमा यो क्षेत्र एकदमै राम्रो छ ।

के कारणले चलचित्र सरी ल हेर्नुपर्छ जस्तो लाग्छ ?

मेरो लागि सरी ल टर्निङ प्वाइन्ट हो । कला क्षेत्रमा लागिसकेपछि दर्शकहरुको प्रतिक्रिया अनुसार नै मेरो भबिष्य निर्धारण हुन्छ । दर्शकशरुले मलाई रुचाउनुभयो, यहि क्षेत्रमा देख्न चाहनु भयो भने नै मलाई यो क्षेत्रमा स्थापित हुन सहज हुन्छ । त्यसैले मेरो भबिष्य दर्शककै हातमा छ । यद्दपी सरी ल धेरै राम्रो चलचित्र बनेको छ । बिषेसगरी सामाजिक सञ्जाल फेसबुक प्रयोगकर्तालाई यसले एउटा सन्देश दिने छ । त्यसको साथ साथै अभिभावकलाई आफ्नो छोराछोरीलाई कसरी सपोर्ट गर्ने, बिग्रन नदिने भन्ने सन्देश पनि दिइएको छ । चलचित्रमा मनोरन्जनका साथ साथै सन्देशमुलक पनि भएकोले एक पटक हेर्नै पर्ने चलचित्र बनेको छ जस्तो लाग्छ ।

सम्बन्धित समाचार

दर्शकको मन जित्दै ‘डिग्री माइला’

नेपालमा बर्सेनि १७ हजारले स्नातकोत्तरको अध्ययन सिध्याउँछन् तर कतिले त्यसलाई जीवनमा उतार्छन् त ? सायद यो प्रश्न अनुत्तरित होला ।…

सलमानले हेप्ने गरेको सोनाक्षीको दुखेसो

अभिनेता सलमान खानको को -एक्टरको रुपमा चलचित्र दबंगबाट बलिउडमा डेब्यू गरेकी अभिनेत्री सोनाक्षी सिन्हाले सलमानले आफूलाई हेप्ने गरेको गुनासो गरेकी…

‘जज्बा’मा वकिल बन्दै ऐश्वर्या, हुने छैन एक्शन सिन

केहि समय पहिलादेखि बलिउड अभिनेत्री ऐश्वर्या रायको कमब्याक चलचित्र जज्बामा जर्बदस्त एक्शन सिन हुनेछ भन्ने समाचारको निर्देशक संजय गुप्ताले खण्डन गरेका…

यसकारण चल्यो ‘श्री ५ अम्बरे’

हुन त दीपा बस्नेतले निर्देशन गरेको पहिलो चलचित्र अन्तरालले नै धेरैको वाहवाही पाएको थियो । तर बिडम्बना त्यहि सबैले राम्रो भनेको चलचित्र…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस नेता मल्ल र कुँवरबाट बिद्यालयलाई सहयोग

‘पार्टीको आन्तरिक चुनावमा प्रतिस्पर्धा गर्नोस तर आम चुनावमा रूख हेरेर भोट हाल्नोस’- काँग्रेस नेता जोशी

अध्यक्ष मल्लको पहलमा जलजलामा भित्रियो करोडौ बजेट

शिक्षा र स्वास्थ्य क्षेत्रलाई प्रविधिमैत्री बनाउन जलजलाले बाड्यो कम्प्युटर र ल्यापटप

जलजलाका उद्यमीका लागि आयोजित उद्घोषण तथा क्षमता अभिबृद्धि तालिम सम्पन्न




About Sarathi news
Description goes here
NEPAL OFFICE

Address 1
Kathmandu, Nepal

977-0000000000