नेपाली काँग्रेसद्वारा शुभकामना आदानप्रदान

भद्रपुर, २२ असोज –

विजयादशमी, दीपावली, छठ, बकरिद, नेपाल संवत् र बलिहाङ चाडपर्वको अवसरमा नेपाली काँग्रेस वडा समितिद्वारा झापाको मेचीनगर–१ धुलाबारीमा  शुभकामना आदानप्रदान तथा चियापान कार्यक्रमको आयोजना गरियो । सो अवसरमा नेपाली काँग्रेसका केन्द्रीय सदस्य नरेन्द्रविक्रम नेम्बाङले स्वतन्त्र न्यायपालिका, लोकतन्त्र र विधिको शासन कायम गराउने संविधान निर्माणका लागि अब हुने संविधानसभाको निर्वाचनमा युवापुस्तालाई उम्मेदवार बनाएर नेपाली काँग्रेस पार्टी अघि बढेको बताउनुभयो ।

झापा क्षेत्र नं १ का लागि नेपाली काँग्रेसका उम्मेदवार विश्वप्रकाश शर्माले आफू व्यक्तिगत नभइ नेपाली काँग्रेसको उम्मेदवार भएकाले अब नेपाली काँग्रेसलाई विजयी गराएर संविधान निर्माण गराउने सुनिश्चित बाटो रोज्नुपर्नेमा जोड दिनुभयो ।कार्यक्रममा नेपाली काँग्रेस झापाका जिल्ला सदस्य टेकबहादुर लिम्बू, भूतपूर्व कर्मचारी सङ्घका त्रिभुवन चौधरी, मुस्लिम सङ्घ झापाका अध्यक्ष अमिन आलम, तरुण दलका वडा सभापति अम्बर गुरुङ र महिला सङ्घका वडा सभापति बिना रिजालले आफ्नो पार्टीप्रति प्रतिबद्ध भएर सहयोग गर्ने धारणा व्यक्त गर्नुभयो ।

नेपाली काँग्रेस वडा समितिका सभापति बद्री खड्काको सभापतित्वमा भएको उक्त कार्यक्रममा नेपाली काँग्रेसका क्षेत्रीय सदस्य जीवन प्रधान र धुलाबारी उच्च माविका प्राचार्य रुद्र कुरुङबाङले पनि निर्वाचनलाई सफल बनाउन पर्नेमा जोड दिनुभएको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

काँग्रेस केन्द्रीय सदस्य जोशीद्धारा स्वास्थ्य सामाग्री प्रदान

नेपाल फकाउँदै ओली

बिपि स्मृति भवनलाई काँग्रेस युवा नेता मल्लद्धारा ब्यक्तिगत पाँच लाख ५५ हजार

गाडीले किच्दा युवाको मृत्यु

पर्वत अस्पताललाई काँग्रेस नेता जोशीद्वारा स्वास्थ्य उपकरण हस्तान्तरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000